Ravrava non Pol lalai ata Rom 8:27 - Hano Niu Testamen

²⁷ God mwa ḡita dum hano be mwa dogo lol irubwin atatu. I mwa ilo havanau be mwa du lol binihin Vui Sabuga, huribe Vui Sabuga mwa avo lalai God huri non atatu la hala gabe God mwa doronia.

Ravrava non Pol lalai ata Rom 8:27 ပူးပေါင်းရင်းမြစ်များ

Matiu 6:8

Kimiu gisav lolia te kunira geki. Mahavana gim hav hudali te Tamamiu radu gin ginau be gim doronia, kea mwa iloe huba.

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Leo Tavuha gabe Jon nu Ravae 14:13

I nav lol havanau tehe gabe gim hudaligi huria lol ihaku, huribe vi lol bisirai sarisarin Tata siviau Nituna.

Leo Tavuha gabe Jon nu Ravae 21:17

Jisas mwa bev muleinia vatoluna be, “Saemon nitun Jon, gom dabeau?” Pita mwa ron̄ mwahantai bwatuna Jisas mwa hudalinia vatoluna be, “Gom dabeau?” Haḡe kea mwa bevea lalainia be, “Ratahigi, gom ilo ginau duluai; gom iloe be nam dabego!” Jisas mwa bevea lalainia be, “Gov gitaḡoro bilaku sipsip.

Lalaḡova 1:24

Haḡe ram dataro ram bevea be “Ratahigi, gom ilo vuvuri lolon atatu duluai. Haḡe kadogaha, Ratahigi gov lol bisirainia lalai kamai ihei alolora gairua uhu gom ḡita luae

Lalaḡova 15:8

I God gabe mwa ilo binihin vataha atatu, mwa seserai non mwasigi gin tabeana alun ira Lolobon̄i, ginia be mwa lai non Vui Sabuga lalainira, kunia n̄an gabe nu laia lalai kamai.

Ravrava non Pol lalai ata Rom 8:34

Ihei haḡea vi vev dumwia be atatu non God ram bahala? Atatu vwate sigai, huribe Kraes Jisas nu mate, i ta nu tomare mulei nin mateana, i kadogaha mwa dogo la mwatuan God, i mwa avo lalai God huri gida.

Ravrava non Pol lalai ata Rom 8:6

Mandovai be binihin atatu mwa dogo halaten vurona sibona, kea mateana. Ta kebe binihira vi lalaḡo hurin Vui Sabuga, kea rahuana vi tamwata.

Ifisas 2:18

Uwe, sivi Kraes n̄ano be nonda mwasigi abena be tai mai vai aben Tata lol Vui gaituvwa.

1 Tesalonaeka 2:4

Take gam bev Roroi Tavuha bwatuna God nu haḡo ron̄ kamai i mwa butu alumai be gav lolia. Batena be gam avo gam hav lol te ron̄oe be gav lol samsamwarai lolon sinombu, take lolon God, kea mwa haḡo ron̄ lolomai.

Hibru 4:13

Ginau vwate mulei sigai be vi hili nin God, dagai nin tanon limana duluai. Havanau tehe mwa ḡigilaga n̄an duluai, la lolmatan God. I gida duluai tav seserai lua rahuda i nonda lalaḡova duluai la lolmatana.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

Visirai 2:23

Inau nai wehi non virangai mulei, i kunia uloilua duluai vi iloe be inau haḡea be nam ilo binihin atatu duluai mai nora doroniva. Nav lai tavwe lalai gaitutuvwai i vatvataha kimiu hurin hava lalaḡova be kea nu lolia.”