Ravrava non Pol lalai ata Rom 8:23 - Hano Niu Testamen

²³ Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

Ravrava non Pol lalai ata Rom 8:23 ပူးပေါင်းရင်းမြစ်များ

Leo Tavuha gabe Luk nu Ravae 20:36

Rav togo kun ira enjel i rasav mate te dum. Kera ira nitun God, bwatuna be ran tomare mulei nin mateana.

Leo Tavuha gabe Luk nu Ravae 21:28

Haḡe mahavana be ginau kera uhu ram dau bwatuna be ramen loli, giv tu amare ba dada bwatuna nomiu varahuva mwa sosori.”

Ravrava non Pol lalai ata Rom 5:11

I vorate kea n̄ano, ta kadogaha gida mulei tam ron̄ mwandavuha maragai mai God sivi nonda Ratahigi Jisas Kraes. Sivinia tam bora ira tuan God mulei.

Ravrava non Pol lalai ata Rom 5:3

Tam ron̄ mwandavuha mai nonda ginau vahala, bwatuna be ginau vahala kerageki ram lol togoan ḡoḡonai.

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

Ravrava non Pol lalai ata Rom 7:24

Kunia, hava atatu haḡea be nam hav ron̄ te mwandavuha! Ihei haḡea vi varahuau nin rebehi geki be mwa lai mateana lalaiau?

Ravrava non Pol lalai ata Rom 8:19

Ginau duluai be God mwa lolia mwa hohovi mai samwarana be God vi lol seserai lalai ira nituna sarisarina mwasigi.

1 Korin 1:7

Lol taro be gim dogo hohov Jisas Kraes be vi mai mulei, gin lai vatavuha n̄oton̄oto.

2 Korin 1:22

i nu tau non dovon̄a aluda, be vi dovon̄ainia be gida bilana, i nu tau non Vui Sabuga lol irubwida be vi vora dovon̄ana huri non tatauleo duluai.

2 Korin 7:5

Batena be gan mai vai Masedonia gan hav mambu tehe. Gan habwe taro ririhai nu tu dalis kamai. Gan bwalo avare i alolomai gan matagu.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Ifisas 1:14

Be Vui Sabuga kea mwa seserainia be tam lai havanau be God mwa lai ribwesiva be nu haraharai lalainira be bilana be men lai roroai lalai sarisarin God.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

Ifisas 5:9

Gigita mwa lai mwasin lalan̄an tavuha duluai, i togoan vavtutu i mwasigi.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

1 Pita 1:7

Ginau hahantai geki ram mai be ramen gitae be nom binihimwasigi garagusi nu melmelo. Melmelo non binihimwasigi nu marahi liu vatan̄oga, Gabe vi Seserainia gin gabi be nu melmelo i vi nogonogo dumwi. Take nomiu binihimwasigi garagusi vi lai lalai kimiu uloi roroai i binihimarahi lol taro be Jisas Kraes mwa seseraiana lalai kimiu.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.