Ravrava non Pol lalai ata Rom 8:17 - Hano Niu Testamen

¹⁷ Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

Ravrava non Pol lalai ata Rom 8:17 ပူးပေါင်းရင်းမြစ်များ

Matiu 16:24

Haḡe Jisas mwa bevea lalai non roron̄tai be, “Be ihei mwa doron be vi huriau, wani gea vi derai non doroniva sibona. Haḡe vi haḡo domarei non volovolo ba huriau.

Matiu 25:21

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

Leo Tavuha gabe Luk nu Ravae 12:32

“Gisav matagu tehe ira nitui sipsip bwatuna be Tamamiu mwa samsamwara be vi lai Rahuan Gara lalai kimiu lol ute gabe kea mwa ratahigi alolona.

Leo Tavuha gabe Luk nu Ravae 24:26

Matuke nu hav maron̄ron̄o te lalai Kraes wani Vurai be men ron̄ḡagarasi alun ginau kera geki i gim haroro lol sarisarina?”

Leo Tavuha gabe Jon nu Ravae 17:24

“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 5:17

Vuron atat gaituvwa, i mateana mwa domuai sinombu duluai bwatuna atat gaituvwa. Take kadogaha kera be ram lai sarisari non God mai hogoi gaivua be ram bavtutu lolmatana kera rav lai rahuan mwasigi i atat gaituvwa vi tomuainira, Jisas Kraes.

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

1 Korin 2:9

Take kunia gabe mwa bevea lol ravrava sabuga be, “Geki atatu vwate nu hav gitae tehe, i atatu vwate nu hav ron̄oe te n̄an haḡea. Atatu vwate nu hav gita te batoia havanau be God mwa lol vatuvwainia hurira be ram dabea.”

2 Korin 1:5

Gam bete lol gagarasi non Kraes ivusi. La hala n̄an gea, lol maḡomaḡo gaivua mwa mai lalai gida sivi Kraes.

2 Korin 1:7

Nomai doronhohov huri kimiu nu wasi, gam iloe huri be kimiu gim bete mai kamai nomai ron̄ ḡagarasi duluai be mwa dum kamai i mulei lol maḡomaḡo be gam laia.

Kelesia 3:29

Be giḡo lalai Kraes, i giḡo vara ata la Ebraham. Giḡo gov lai tanoi duluai lol vatavuha non God bwatuna tatauleo be God nu laia lalai Ebraham.

Kelesia 4:7

I kadogaha gim hav mom bora te turin rovoga, giḡo nitun God, i God vi lai lalainigo vatavuha be nu tatauleo huria, bwatuna giḡo nituna.

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

Filipae 3:10

Nam doron be nav ilo Kraes i muramura be nu ragasia nin mateana. Nam doron be nav bete lol non ron̄ ḡagarasi i nai mai kunia lol mateana.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

Taetas 3:7

Tam mai bavtutu mai God alun non hogoi, tam lai dum doronhohov be tav lai rahuana be sihav nogo tehe.

Hibru 1:14

Ira enjel havanau? Enjel kera n̄an ira vui gabe mwa horara be rav lalaḡo lalai sinombu be rav lai varahuva.

Hibru 1:2

Take la nogonana kadogaha, God nu hora Nituna be vi lai roroi lalai gida. God nu tau ginau duluai gin Nituna, i ginau duluai vai gubwen̄ vwate, vi vora non Nituna.

Hibru 6:17

God nu lol non tatauleo huba, i mwa doron be vi lolira kera gea be rav lai dum ginau be nu tatauleo huria, i ram iloe be non binihiva sihav leahi te dumwi. Haḡe bwatuna haḡe gea mwa avo alun ihana sibona, be men lol non tatauleo sibona gim wasi mulei. I kadogaha avoana non God gairua, i avoana gea non tatauleo, mai avoana gea be men lol non avoana gim wasi.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 1:4

Kadogaha tam hohov ira vatavuha be God mwa do maia huri ira nituna. Ira vatavuha, gabe sihav lol te dum kaburainia sage sihav lol te dum bwarebware i sihav vano te dumwi na nora ute mutai, ram dogo lol ute atamare huri kimiu.

1 Pita 4:13

Take giv ron̄ mwandavuha be kimiu gim bului mai ron̄ ḡagarasi non Kraes bwatuna be kimiu giv ron̄ mwandavuha i giv masiri gin samwarana lol taro be Kraes vi mai mulei lol sarisari.

Visirai 21:7

Ihei be nu rihu maragai, vi haḡo houn ginau duluai, i inau nai vora nora God i kera rai vora noḡu sinombu.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”