Ravrava non Pol lalai ata Rom 8:15 - Hano Niu Testamen

¹⁵ Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

Ravrava non Pol lalai ata Rom 8:15 ပူးပေါင်းရင်းမြစ်များ

Matiu 25:25

Bwatuna higea nan mataguinigo, i nam bano nam dahuli nom mwane mwa dogo lol tano. Ia gitae, geki nom mwane mulei nam lai muleinia.’

Leo Tavuha gabe Mak nu Ravae 14:36

Mwa dataro mwa bevea be, “Tata, Tamaḡu! Ginau duluai nu maron̄ron̄o lalainigo. Lai dagai laha huri ron̄ḡagarasi uhu niniau. Take noḡu doroniva vina nomwa n̄ano.”

Leo Tavuha gabe Luk nu Ravae 11:2

Haḡe Jisas mwa bevea lalainira be, “Mahavana be gim dataro giv vevea be; ‘Tata: Ihamwa na sabuga, gam doron be Rahuan gara gabe gom Ratahigi alolona vi mai.

Leo Tavuha gabe Luk nu Ravae 22:42

Mwa bevea be, “Tata, be vi dumwi, lai dagai lahan ron̄ḡagarasi geki niniau. Mwa hav vora te hurin noḡu doroniva, take nom doroniva n̄ano vi dumwi.”

Leo Tavuha gabe Luk nu Ravae 8:28

Haḡe mahavana gabe mwa ḡita Jisas mwa haharigi amare i mwa hovi hurinia, mwa bevea gin silo gaivua be, “Jisas Nitun God Holomare Hae! Havanau gom doronia niniau? Nam navohigo be, gosav lol te ḡagarasiau!”

Leo Tavuha gabe Luk nu Ravae 8:37

Haḡe sinombu duluai lol vanua kera gea ram hudali Jisas be vi vis dagai bwatuna kera ram matagu maragai. I Jisas mwa ḡalo mulei la waḡa i mwa ban dagai.

Leo Tavuha gabe Jon nu Ravae 16:8

I mahavana be vi mai, kea vi lol melmeloinia lalai sinombu ata lol ureure be kera ran vahala lol binihira huri vuro i huri ginau gabe nu vavtutu i huri silo vevegi non God.

Leo Tavuha gabe Jon nu Ravae 20:17

Jisas mwa bevea lalainia be, “Gosav sibweriau tehe, bwatuna be nam hav hae te radu vai aben Tata. Take goi vano huri ira tuaku ba bevea lalainira be nam dabagilu mulei vai abena gabe Tamaḡu i Tamara, noḡu God i nora God.”

Lalaḡova 16:29

Haḡe matmatai ḡoro mwa ulo huri laet i atatu vwate mwa lai vilvilehi bulu, i kea mwa haroro mwa hiv bwaubwau lol bwalagen Pol mai Sailas.

Lalaḡova 2:37

Mahavana be sinombu ram ron̄ avoana geki nora binihiva mwa lalan̄aga maragai ram bevea lalai Pita mai ira hala rituai, ram bevea be, “Ira tua tav lol hano?”

Ravrava non Pol lalai ata Rom 8:16

I Vui Sabuga gea mwa bulu mai nonda na Vui Sabuga be men vevea be gida ira nitun God.

Ravrava non Pol lalai ata Rom 8:23

Varate ureure n̄ano, ta kamai mulei gam hohovi mai ron̄ ḡagarasi alolomai. Gam haḡo Vui Sabuga kunabe muan ginau lol tatauleo non God. I gam hohovi God be vi lol kamai gi ira nituna, gin binihiva be rebehimai rav togo melmelo nin vuro.

Ravrava non Pol lalai ata Rom 8:26

I mulei Vui Sabuga mwa dogo mai gida lol nonda rahuan hantai. Tam hav ilo tehe halana be tav tataro kunia be tam lolia kunia. Ta Vui Sabuga sibona mwa avo lalai God huri gida, i mwa hudali God huri gida mai ron̄ova gaivua be avoana si hav vev te dum binihivanana.

Ravrava non Pol lalai ata Rom 9:4

Kera haḡea atatun ute Israel, ira naturirigi gabe God nu gita luara. Kera ran gita sarisarin God, i kera ram haḡo ira dameana be God nu lolia lol davolan non atatu maia sibona. God nu lai ira silo non Moses lalainira mai ira mwasin halan tataroi i non ira tatauleo duluai.

1 Korin 2:12

Kunia gida tam hav lai te Vui ata lol ureure; take tam lai Vui n̄ano be mwa mai nin God, huria be tav ilo dum havanau duluai be God mwa laia lalai gida.

2 Korin 11:4

Gim haḡo alen̄ mahuri mai ihei be mwa mai vai abemiu i mwa doretore huri Jisas dolua nin vwate be kamai gam toretore huria. Kimiu gim doron maragai be giv damei Vui sa Roroi Tavuha be dolua nin Vui i Leo Tavuha be gin laia huba nin kamai.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 5:1

Tam haḡo maribwesi kadogaha, bwatuna be Kraes nu lol gida gi atat maribwesi. Giv tu wasigi. Gisav leahi tehe i ba ban mulei lol vauvauhi non silo.

Ifisas 1:5

Bwatuna be gin non lolotabetabe, God nu vinihi daua huba be vi lol gida ira mwasin nituna gin Jisas Kraes. Kea havanau gabe nu doronia i havanau gabe nu samsamwara ginia,

2 Timoti 1:7

God nu hav lai te vui lalai gida be vi lolia tai matagu, take Vui huri muramura i lolotabetabe i sine togonai.

Hibru 2:15

Take kea nu mate mulei huri be men varahu gida duluai be tam dogo lol mataguanan mateana vataha gubwen̄i.

Jemes 2:19

Gom binihimwasigi be God gaituvwa. Nu tavuha! Atmate ram binihimwasigi be God gaituvwa, i kera ram birururu i ram matagu.

1 Jon 4:18

Be gim dabe maragai atat dodolua, gisav matagui te dum silo vevegi non God. Wani be mwa matagu huri vevegi non God, mwasigi maragai be wani gea mwa hav lol te ron̄oe be men tabe atat dodolua mulei.