Ravrava non Pol lalai ata Rom 8:11 - Hano Niu Testamen

¹¹ God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

Ravrava non Pol lalai ata Rom 8:11 ပူးပေါင်းရင်းမြစ်များ

Leo Tavuha gabe Jon nu Ravae 14:17

Kea haḡea vui gabe vi seserai mwasigi huri God. Ureure sihav lai te ḡoḡo dumwia, bwatuna gabe mwa hav gitae tehe, sage mwa hav iloe tehe. Take kimiu gim iloe, bwatuna be mwa dogo mai kimiu i kea alolomiu.”

Leo Tavuha gabe Jon nu Ravae 5:21

Kun tata nu lol domarei ira atatmate i mwa lai rahuana lalainira, kunia mulei inau Nituna nav lai rahuana lalai irahei be nam doronira.

Lalaḡova 2:24

Take God nu lol domarei muleinia nin mateana, i mwa ribwesia gin non muramura, bwatuna be mateanana sihav rihu te maragai ninia.

Ravrava non Pol lalai ata Rom 16:10

Avoan helheloi mulei lalai Apeles, be rav haḡo ron̄oe i ram habwe mwasigi be mwa dabe Kraes. Avoan helheloi mulei lalainira n̄oto be ram du la imwan Aristobolas.

Ravrava non Pol lalai ata Rom 16:3

Giv lai noḡu avoan laiḡoḡo lalai Prisila i Akwila, be raru lol rovoga maiau lol ihan Kraes Jisas,

Ravrava non Pol lalai ata Rom 16:7

Avoan helheloi mulei lalai Andronikas i Junia, ira havaku, gabe rav togo vauhi maiau. Kera raru vora atatu be ira hala ran ilo tavuhainira. Kera raru vora atat binihimwasigi non Kraes vuri mwa sivora inau.

Ravrava non Pol lalai ata Rom 16:9

Avoan helheloi lalai Abanas, nu lol rovoga maiau huri Kraes. I avoan helheloi mulei lalai buluana Stakis.

Ravrava non Pol lalai ata Rom 6:12

Gosav lin̄ te vuro vi muraga lol rahumwa teti lol ureure, be gov lol ginau gabe vuromwa sibomwa mwa loligo be gomen lolia.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:12

Ira tuaku, ta sav huri te vuroda siboda sa ta sav togo te la rahuanan vuro gabe tam lolia siboda.

Ravrava non Pol lalai ata Rom 8:2

Sivi Kraes Jisas, silon Vui Sabuga be mwa lai rahuana mwa loliau nam du dagai nin silo be mwa lai vuro i mateana.

Ravrava non Pol lalai ata Rom 8:9

Ta giḡo rahumwa si hav togo tehe la vuromwa sibomwa. Giḡo gom dogo halaten Vui Sabuga, kebe Vui Sabuga non God mwasigi mwa dogo maigo. Ta atatu be mwa hav haḡo te Vui Sabuga non Kraes, kea mwa hav vora te non Kraes.

1 Korin 15:16

Be atat mate vorate ran rahu, kea Kraes mulei nu hav tomare te mulei.

1 Korin 6:14

Gin non muramura God nu lol domarei Ratahigi nin mateana i kea vi lol domarei gida mulei nin mateana.

2 Korin 4:11

Gam rahu radu gam dogo, take huri Jisas tagaro gam habwe taro ririhai huri mateana huri be rahun Jisas vi gitan dumwi alun rebehimai be mwa mate.

2 Korin 4:14

God nu ragas Ratahigi Jisas nin mateana, i gam iloe mulei be God vi ragas kamai mulei mai Jisas. God vi lai kamai ute gaituvwa mai kimiu, i gida duluai tav tu lolmatana.

2 Korin 5:4

La mahavana be tam do lol rebehi geki, tam habwe taro ririhai, i tam ron̄oe. Tam hav doron tehe be tav to vuroi, take tam doron be tav saga ḡoro gida lol rebehi ata amare. Vuvuri rebehi geki be vi mate vi gagavu gin rahuana.

Kelesia 6:8

Be ram ririvu be ramen lol lumlumuhira sibora, vurora sibora vi lai lalainira ginau nogonogo. Take be rav ririvu be ramen lol tavuhai Vui, rav lai rahuan n̄ava nin Vui.

Ifisas 2:5

Mwasigi be gida tan mate lol vui, bwatuna be ginau hantai be tan lolia vai alun God, take kea mwa lai rahuan gara lalai gida mai Kraes. Kimiu gim rahu mai hogoi non God.

Filipae 3:21

Gin non muramura be vi rovoi ginau duluai, vi leahi vihogoi i vi lolira kun rebehina sibona be nu sarisari.

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.

Visirai 11:11

Haḡe gubwen̄ gaitolu i udui mwa nogo, hogoi mambuha rahu mwa himai non God i mwa haroro alolora, i ramuru du amare; i kera duluai be ram ḡitae huira mwa ruru.