Ravrava non Pol lalai ata Rom 8:10 - Hano Niu Testamen

¹⁰ Rebehimwa vi mate vataha mahavana gin vuro. Ta kebe Kraes mwa dogo maigo, kea Vui Sabuga mwa lai lalainigo rahuana, huribe Kraes mwa loligo gom bavtutu la lolmatan God.

Ravrava non Pol lalai ata Rom 8:10 ပူးပေါင်းရင်းမြစ်များ

Leo Tavuha gabe Jon nu Ravae 14:23

Jisas mwa bwaliua be, “Ihei tehe mwa dabeau vi ḡoḡoi noḡu silo vagahi. Tamaḡu vi tabea, i kamaru mai Tamaḡu garu vi mai huria ba dogo maia.

Leo Tavuha gabe Jon nu Ravae 15:5

“Inau mwasin bwatun taligaon waen, i kimiu rarana. Ihei tehe mwa bulu maiau, inau maia, i vi vwavwae bilin̄iai; huribe gisav lol te dum hano dagai niniau.

Leo Tavuha gabe Jon nu Ravae 17:23

Inau alolora i giḡo aloloku, huribe rai vora gaituvwa mwasigi, be ureure men iloe be gon horau i be gom dabera kun gabe gom dabeau.”

Leo Tavuha gabe Jon nu Ravae 4:14

Take ihei tehe gabe vi mwin wai gabe inau nav laia lalainia sihav mandou te mulei. Wai uhu gabe nav laia lalainia vi mai lalainia gi matavuravuran wai alolona i kea vi laia ninia wain rahuana i rahuana vai tuai.”

Leo Tavuha gabe Jon nu Ravae 6:54

Ihei tehe gabe mwa ḡan vigohoku i mwa mwin dagaku mwa lai rahuana vai tuai, i nav lol domareinia vai lol rahuana lol nogonan gubwen̄.

Leo Tavuha gabe Jon nu Ravae 6:56

Ihei tehe gabe mwa ḡan vigohoku i mwa mwin dagaku mwa dogo aloloku i inau alolona.

Ravrava non Pol lalai ata Rom 5:12

Vuro mwa mai vai lol ureure bwatun havanau be, atat gaituvwa nu lolia, i mai vuro mateana mwa mai. Geki haḡea huri hano atatu duluai mwa du be rav mate bwatuna be atatu duluai ram buroga.

Ravrava non Pol lalai ata Rom 5:21

Vuro nu lol mateana be vi tomuai gida, take mwa lai hogoi non God sivi vavtutu i vi lai rahuana vai tuai sivi Jisas Kraes nonda Ratahigi.

Ravrava non Pol lalai ata Rom 8:11

God nu lol domarei mulei Jisas nin mateana, i kebe Vui Sabuga non God mwa dogo maigo, kea vi lai rahuana mulei lalai rebehimwa be mwa mate. God kea haḡea be nu lol domarei mulei Jisas nin mateana, i vi lai rahuana sivi non Vui Sabuga be mwa dogo alolomwa.

1 Korin 15:45

Nu ravana lol avoan sabuga be; “Muan atatu, Adam, kea muan atatu be nu lai rahuana, take nogonan Adam kea vui be mwa lai rahuana.

2 Korin 13:5

Giv gitagita tavuhai kimiu sibomiu. Giv haḡo ron̄ kimiu giv gitae be gim dogo lol binihimwasigi garagusi. Gim iloe be Kraes Jisas kea alolomiu be gim hovi be giv haḡo ron̄ kimiu.

2 Korin 4:11

Gam rahu radu gam dogo, take huri Jisas tagaro gam habwe taro ririhai huri mateana huri be rahun Jisas vi gitan dumwi alun rebehimai be mwa mate.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Filipae 1:23

Nu ririhai be nav gita lua vwate lol davolan gairua. Nam doron be nav lin̄ rahuana uhu i be nai vora mai Kraes, kunia vi hen tavuha;

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

1 Tesalonaeka 4:16

Ratahigi sibona vi himai vai ataa nin mahao mai batoan wasi nin amare, mai silon muai enjel, i mai silon God gin taiva bilan God. I kera be ran mate huba take ran binihimwasigi lol Kraes, kea rav tomare amua.

Hibru 12:23

Kimiu gin mai lol samwaran bulbulu be nu tavuha maragai mai ira atatu non God kun gabe ira nituna muai bwana gabe ihara mwa du huba lol ute ata amare. I kimiu giv mai huri God huria be kea vi vevegi lalai atatu, i giv mai ba bulu mai vuin ira atat vavtutu be ran mate huba.

Hibru 9:27

Mwa du be atatu duluai rav mate vatuvwa i God vi vevegira.

Visirai 14:13

Haḡe nam ron̄ silo mwa himai nin amare mwa bevea be, “Gov ravae geki be: Samwarana lalai ira hei gabe mwa dau bwatuna kadogaha rav mate alolon rovoga non God!” Vui mwa bevea be, “Uwe mwasigi! Ram mambuharainira nin nora rovoga hahavwani, bwatuna be vwain nora rovoga hahavwani vi vano bul maira.”