Ravrava non Pol lalai ata Rom 7:7 - Hano Niu Testamen

⁷ Giḡo bere gom binihia be nam bevea be vuro mai silo avoan gaituvwa. Kea vorate mwasigi, take silo kea hala n̄ano be nav iloe be hano haḡea vuro. Nasav iloe tehe havanau haḡea binihiva be nav doron be namen lai ginau non atat dolua kebe silo vorate mwa bevea, “Gosav doron te ginau non atat dolua be gomen laia.”

Ravrava non Pol lalai ata Rom 7:7 ပူးပေါင်းရင်းမြစ်များ

Matiu 5:28

Ita inau nam bevea lalai kimiu be, ihei atamwani mwa ḡita vavine mwa doron be si vahala maia, kea mwa daḡataḡa huba lol lolona.

Leo Tavuha gabe Luk nu Ravae 12:15

I mwa bev rahurahuinia lalainira duluai be, “Giv mataiḡoro i giv gitaḡoro kimiu nin lalan̄an bugurana, bwatuna mwasin rahun atatu mwa hav mai tehe nin rosona, gaituvwa n̄an be rosona gaivua.”

Leo Tavuha gabe Luk nu Ravae 20:16

Haḡe kea be, vi mai vi wehi bamatera duluai i vi hagai talu lalai gitaḡoro dodolua.” Batena sinombu ram ron̄ avoana uhu ram bevea be, “Sigai sihav ḡunia tehe.”

Lalaḡova 20:33

I nau nam hav doron te vatlegiga non atatu mai vatan̄oga i gaisaga.

Ravrava non Pol lalai ata Rom 13:9

Silo mwa bevea be, “Gisav lol te vuro la halan lagiana. Gosav wehi te bamat atatu. Gosav sura tehe. Gosav doron te ginau non atat dodolua.” Ira avoana duluai geki mai rituai mulei binihivanana n̄an gaituvwa i geki silo gaituvwa n̄ano: “Gov binihi marahi tuamwa kunia n̄an be gom binihi marahinigo sibomwa.”

Ravrava non Pol lalai ata Rom 3:20

bwatuna be atatu vwat sigai be vi lol vavtutu mai God be vi huri ira silo. Silo ram bagahi gida be tav ilo vuroda.

Ravrava non Pol lalai ata Rom 3:5

La mahavana be tam lol hala lete, kea mwa maserasera be God nu vavtutu. Ke tav vev dumwia be God kea nu lete be vi vevegi gida? (Inau nan avo kunia be atatu ras avo.)

Ravrava non Pol lalai ata Rom 4:1

Havanau haḡea tai vev dumwia be Ebraham, taman nonda sinombu, nu huhui halan binihimwasigi?

Ravrava non Pol lalai ata Rom 4:15

huribe silo vi lai dum lolhoro non God. Ta kebe silo vi vora sigai ginau sigai be vi lolia atatu vi dahae.

Ravrava non Pol lalai ata Rom 5:20

Silo mwa mai be vi lol vuro vi liu; take la mahavana be vuro mwa mauri mwa liu, hogoi non God mwa ḡaivuaga.

Ravrava non Pol lalai ata Rom 6:15

I havanau haḡea be tav lolia? Nu tavuha be tav vuroga huribe tam do halaten hogoi non God i vorate aten silo? Sigai!

Ravrava non Pol lalai ata Rom 7:11

Vuro nu habwe hala be men vataltaleau nu haḡo avoana be vi loliau nav mate.

Ravrava non Pol lalai ata Rom 7:13

I kea mwa haḡo ginau be nu tavuha n̄ano, i mwa wehi bamateau be men seserai luae alen̄a vwat be nu hantai. Huribe alen̄an vuro mwa haḡo avoanan silo, mwa hantai maragai.

Ravrava non Pol lalai ata Rom 7:5

Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano.

Ravrava non Pol lalai ata Rom 7:8

Take alen̄a be atatu mwa lol vuro take kebe silo sigai, vuro non muramura sigai.

1 Korin 15:56

Muramuran mateana be mwa lol kaburai atatu kea mwa mai nin vuro, i muramuran vuro kea silo.

Ifisas 5:3

Take vahalana mai vavine i mai atamwani vi sigai alolomiu, sage lalan̄an ginau hahantai sa bugurana. Ginau kera gea ran hav tavuha tehe mai sinombu sabuga non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

1 Tesalonaeka 4:5

Gisav lol te rebehimiu lol bwatigoro mai vavine i atamwani kun ira len̄len̄aga.

Hibru 7:19

Silo non Moses gea nu hav dadariha te dumwi be vi vavtutui ginau vwate be nu vavtutu. Take kadogaha alen̄a vwate dolua be nu tavuha nu visirae huba, huria be tav tau nonda doronhohov wasigi aluna. I alen̄a gea mwa do mwa lai gida tan mai sosori gin God.