Ravrava non Pol lalai ata Rom 6:21 - Hano Niu Testamen

²¹ Gom lol daltalei ginau, i kadogaha gom busbusi ginira. Ginau keragea ram lai mateana n̄ano.

Ravrava non Pol lalai ata Rom 6:21 ပူးပေါင်းရင်းမြစ်များ

Ravrava non Pol lalai ata Rom 1:32

Ram iloe huba be God vi vevegi atatu be ram lol alen̄a geki, be vi mate huria, take ram lol rahurahui alen̄a gea. Hage ninia gea, kera ram ron̄ mwandavuha n̄ano be ramen bului atatu be ram do ram lol alen̄a kunia.

Ravrava non Pol lalai ata Rom 5:12

Vuro mwa mai vai lol ureure bwatun havanau be, atat gaituvwa nu lolia, i mai vuro mateana mwa mai. Geki haḡea huri hano atatu duluai mwa du be rav mate bwatuna be atatu duluai ram buroga.

Ravrava non Pol lalai ata Rom 6:16

Kunia gom iloe huba, lol taro be gom lin̄igo sibomwa gi turin rovoga lalai atatu be gov tabea, kea gom bora turi non atatu gea. Atatu be gom dabe silona kea haḡea nom ratahigi lavoa. Gov huri dum vuro, be mwa lai mateana sa gov tabe dum God, kea gabe gom bavtutu la lolmatana.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

Ravrava non Pol lalai ata Rom 7:5

Take tuai, lol taro be tan huri alen̄an atatu n̄ano, Silo gea nu lolia tam doron maragai ira ginau hahantai be binihinda mwa doronia. Haḡe bwatun ginau geki, tam do tam lol rovoga non mateana n̄ano.

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

Ravrava non Pol lalai ata Rom 8:6

Mandovai be binihin atatu mwa dogo halaten vurona sibona, kea mateana. Ta kebe binihira vi lalaḡo hurin Vui Sabuga, kea rahuana vi tamwata.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

2 Korin 7:11

Giv gitae be geki hava ron̄ mwahantai be God nu doronia be giv laia nu lolia lalai kimiu: Nu lol kimiu gim doronia be giv dovon̄ainia be gin hav vahala tehe. Nu lolia gim doron be giv gitau. Nu lolia gim ḡitaḡoro. Nu lolia gim doron mwasin ginau be vi loliana. Mwa dovon̄ainia be gin melmelo ginau vahala sigai.

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

Hibru 10:29

Ke kun hanigi huri atatu be mwa lai binihiv hantai huri Nitun God? Binihin atatu kera gea mwa hantai huri dagan tatauleo non God be vi lol dum melmeloinira nin vurora? Ram bevea be daga gea kea ginau vuroi n̄ano i ram av hantai vai alun hogoi non Vui Sabuga? Atatu gea non vevegi vi wasi liu!

Hibru 6:8

Take be tavihen tano gea si eno kun be gao ḡauli laso mai bwatmwanea hantai ras mauri alolona kunia tavihen tano gea kun be nu hav mom davuha te n̄an haḡea. Nu abena kun be tas vev dumwia be avoana hantai non God mwa dogo lol tavihen tano gea, i nogonana God vi tumus kaburai non vataha ginau kera gea lol gabi.

Jemes 1:15

Doroniva uhu mwa mauri i mwa lai mateana.

Jemes 5:20

kea mwa barahu wani geki sihav mate tehe. Atat vavtutu geki mwa lol hal tavuha i mwa dugu kaburai vurona nin lalan̄an bwatigoro duluai.

1 Pita 4:17

Taron vevegi be mwa dau bwatuna mai atatu ata lol imwan God. I kebe vevegi gea vi tau bwatuna mai gida, Havanau haḡea vi loli lalai sinombu be ram hav lin̄ te maḡemu huri Leo Tavuha non God?

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

Visirai 16:6

Kera gea ram salil dagan sinombu non God mai ira atatun vevsera, i gom lai daga lalainira be rav mwinua. Ram lai vevegi huri nora vahalana!”

Visirai 20:14

Atagun vevegi, haḡe enjel mwa bohai kaburai mateana lol tanon mateana vai lol numbun wain gabi tabwalue. (Numbun wain gabi tabwalue geki kea gairuan mateana.)