Ravrava non Pol lalai ata Rom 6:19 - Hano Niu Testamen

¹⁹ Nam lolia la hala geki, huribe nu ririhai lalainigo be gov iloe. Amua gon lin̄ vatahanan rebehimwa be rai vora turin vuro i ginau hantai; gom dogo n̄ano huri ginau hantai. Kunia mulei gon lin̄ muleinigo gi turin ginau vavtutu. I vuvuri gov togo n̄ano huri God.

Ravrava non Pol lalai ata Rom 6:19 ပူးပေါင်းရင်းမြစ်များ

Matiu 4:23

Jisas mwa lago vataha vanua ririgi Kalili, mwa bagahi lol imwa tataro duluai, i mwa seserai lua Roroi Tavuha huri ute lavoa non God. I mwa lol atatu be ram haro, i rebehira ram hahantai, ram rahu mulei.

Ravrava non Pol lalai ata Rom 15:1

Gida be tam du wasigi lol binihimwasigi garagusi tas lol ron̄oe be tas bului kera be ram mandamanda mai nora binihimwasigi, take tasav binihi te huri gida siboda.

Ravrava non Pol lalai ata Rom 3:5

La mahavana be tam lol hala lete, kea mwa maserasera be God nu vavtutu. Ke tav vev dumwia be God kea nu lete be vi vevegi gida? (Inau nan avo kunia be atatu ras avo.)

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Ravrava non Pol lalai ata Rom 7:23

Take nam ḡita silo dolua mwa lol rovoga alolon rebehiku, kea haḡea mwa lol bwaloana mai silo be rebehiku mwa dara aluna. Silo dolua be mwa lol rovoga lol rebehiku kea silo huri vuro, i mwa loliau gi non atat to vauhi.

Ravrava non Pol lalai ata Rom 8:26

I mulei Vui Sabuga mwa dogo mai gida lol nonda rahuan hantai. Tam hav ilo tehe halana be tav tataro kunia be tam lolia kunia. Ta Vui Sabuga sibona mwa avo lalai God huri gida, i mwa hudali God huri gida mai ron̄ova gaivua be avoana si hav vev te dum binihivanana.

1 Korin 5:6

Nom avoan sasagerega ivusi butbutui nu hav tavuha tehe. Kimiu giv ilo avoana geki, “Marahan is kolo n̄ano mwa lol vulaoa mwa buge maragai tanona mwa masiri latlate.”

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

1 Korin 9:8

Kimiu gim binihia be ginau geki be nam bevea mwa mwalue nin rahuda n̄ano? Sigai! Silo non Moses mulei mwa bev ginau kerageki.

Kelesia 3:15

Ira tuaku, tan binbinihi lol binihin atatu: Len̄len̄a lol dameana lol davolan atatu gairua nu dadariha. Ataguna be dameana nu loli mai atatu saraḡo gairua, atatu vwate si hav tu te dum ḡoroe sage bulus ginau vwate vai aluna.

Hibru 12:15

Giv gitaḡoro tavuhai kimiu be vwate nin kimiu sihav taleva tehe, be men van dagai nin hogoi non God. Gosav vora te kun bwatun vutu be mwa mauri i mwa mai gi gai garagara.

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.