Ravrava non Pol lalai ata Rom 5:15 - Hano Niu Testamen

¹⁵ Take hogoi non God nu hav vora te kun vuron Adam. Sinombu ran mate huri vuron atat gaituvwa. Take hogoi non God nu lavoa liu; sinombu ran lai hogoi non God huri rahuana nin hogoi non atat gaituvwa, Jisas Kraes.

Ravrava non Pol lalai ata Rom 5:15 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 26:28

Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Leo Tavuha gabe Jon nu Ravae 4:10

Jisas mwa bwaliua mwa bevea be, “Be gos ilo havanau God mwa laia i ihei gabe mwa hudalinigo be men mwin te wai gos hudalinia huri wai gabe vi lai rahuana lalainigo.”

Lalaḡova 15:11

Gida tam binihi mwasigi i tam rahu gin hogoi non Ratahigi Jisas, kunia n̄au gabe mwa lolia lalainira.”

Ravrava non Pol lalai ata Rom 5:12

Vuro mwa mai vai lol ureure bwatun havanau be, atat gaituvwa nu lolia, i mai vuro mateana mwa mai. Geki haḡea huri hano atatu duluai mwa du be rav mate bwatuna be atatu duluai ram buroga.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

2 Korin 5:14

Lolotabetabe non Kraes mwa haḡo bul gida, bwatun be gam iloe be kea nu mate huri atatu duluai. Kera duluai rav mate lol Kraes.

2 Korin 9:15

Avkariana lalai God huri non hogoi be nu tavuha maragai be tasav te ḡoro dumwia gin avoana vwate.

Ifisas 2:8

Nam bevea gin binihiva be kimiu gin rahu gin hogoi non God sivi binihimwasigi garagusi. Gin hav varahu te kimiu sibomiu; take kea hogoi non God.

Hibru 2:9

Havanau be gam ḡita dumwia kea Jisas, huri mahavana vwelvwele kea nu togo hivhivo halaten ira enjel. Gin sine hagavi non God lol non hogoi, Jisas mwa mate huri atatu duluai. I kunia be Jisas nu ron̄ḡagarasi i mwa mate huba, kea mwa lai tanoi haehae mai gai sosorin bwatu!

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

1 Jon 5:11

God mwa bev serae lalai gida gabe mwa lai rahuana vai tuai. Rahuana geki mwa mai lalai gida sivi Nituna.