Ravrava non Pol lalai ata Rom 3:25 - Hano Niu Testamen

²⁵ God nu laia la hala be vi vinihi kaburai vuro sivi binihimwasigi garagusi la dagan Jisas be nu mate. Geki mwa melmelo be God mwa lol hano nu vavtutu i nu tavuha, kunia tuai lol taro be nu togo ḡoḡonai i nu hav vevegi te atatu huri vurora.

Ravrava non Pol lalai ata Rom 3:25 ပူးပေါင်းရင်းမြစ်များ

Leo Tavuha gabe Jon nu Ravae 6:47

Nam bev mwasigi lalai kimiu: kea gabe mwa binihimwasigi mwa haḡo rahuana vai tuai.

Lalaḡova 14:16

Tuai maragai kea nu lol sinombu be rav tomuainira sibora.

Lalaḡova 15:18

Haḡe Ratahigi, gabe nu vev sera ginau geki tuai huba.”

Lalaḡova 17:30

God nu ate ḡalau lalaḡova lete non sinombu mahavana be ran hav iloe te radu, take kadogaha mwa lol gida duluai la ureure be tav taleva nin nonda lalaḡova hantai.

Lalaḡova 2:23

Gin mwasin non taritari, God nu vinihi daua be Jisas vi lin̄ia lalai kimiu, i gim wehia ginia be gim lin̄ia la limara atat bwatigoro ram bohae vai alun volovolo.”

Lalaḡova 3:18

God nu vev serae tuai lalai ira atatun vevsera be Wani Vurai gabe kea vi horae, vi ron̄ ḡagarasi, i non avoana mwa mai gi mwasigi la hala geki.

Lalaḡova 4:28

Ram ḡoḡo be rav lol ginau duluai gabe giḡo, gin non muramura i binihiva, gon vinihi daua be vi loli.

Ravrava non Pol lalai ata Rom 2:4

Kea nu tavuha i nu maḡemu lol alen̄ana, mwa hohovigo be gomen leahi, ta gom binihi bahivoi non togonai. Bisata gom hav gita te batoia be God mwa lol tavuhainigo be gomen leahi alen̄amwa i rahumwa.

Ravrava non Pol lalai ata Rom 3:26

Take kadogaha lol taroda, kea nu seserainia be alen̄ana nu vavtutu, i be nu lol atatu be ram binihimwasigi alun Jisas, atat vavtutu la lolmatana.

Ravrava non Pol lalai ata Rom 5:1

Batena be tan vavtutu lolmatan God sivi nonda binihimwasigi, gida tan lol tamwata mai God i geki nu loli sivi nonda Ratahigi Jisas Kraes.

Ravrava non Pol lalai ata Rom 5:11

I vorate kea n̄ano, ta kadogaha gida mulei tam ron̄ mwandavuha maragai mai God sivi nonda Ratahigi Jisas Kraes. Sivinia tam bora ira tuan God mulei.

Ravrava non Pol lalai ata Rom 5:18

I kun vuron Adam gaituvwa nu lai vevegin mateana lalai sinombu duluai, malel tavuha vwate be Kraes nu lolia kea nu lol atatu ram vavtutu lolmatan God. I kea mwa lai rahuan tavuha lalainira n̄oto.

Ravrava non Pol lalai ata Rom 5:9

I sivi Kraes gida tav rahu nin lol horo non God, bwatuna be gida tan vavtutu lolmatan God nin dagan mateanan Kraes.

1 Korin 5:7

Gov lai dagai is maleiga n̄oton̄oto huri vuro huribe goi vora rebehi gara n̄oton̄oto. Gov mai kun vulaoa huri bereti be mwa buge gaivua. Nam iloe be hiḡo kunia huba. Gada bereti huri Samsamwaran Halbisḡalau mwa du vatuvwai huba huribe Kraes be sipsip huri nonda Halbisḡalau, kea nu lin̄ mulei rebehina gi tataroi tuntun.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 2:13

Take kadogaha lol Kraes Jisas, kimiu be gin togo hautu maragai nin God amua kadogaha mwa lai kimiu sosori sivi dagan Kraes lol mateanana.

1 Timoti 1:15

Havanau be nam bevea kea mwasigi, i mwa du be gov lai ḡoḡo duluainia: Kraes Jisas nu himai vai lol ureure be vi varahura atat bwatigoro, alolora inau nan hantai liura.

Hibru 10:4

huribe dagan buluki i nani si hav lai te dagai vuron atatu gubwen̄ vwate.

Hibru 11:14

I mahavana atatu ram avo kunia, ram lolia mwa melmelo be, ran siro ute vwate radu gabe mwasin tanora.

Hibru 11:17

Haḡe bwatuna be Ebraham mwa binihimwasigi garagusi alun God, i mahavana gabe God mwa lol ron̄oe, take kea mwa lol dau huba be vi wehi nituna Aisak, be vi hogoi ginia lalai God. God nu lol tatauleo kera gea lalai Ebraham, i Ebraham nituna n̄an gaituvwa. Take mwa lol dau be vi wehia i vi hogoi ginia lalai God.

Hibru 11:7

Haḡe bwatuna gabe Noa nu binihimwasigi garagusi alun God, bwatuna haḡea kea mwa ron̄ avoana non God, mahavana gabe God nu vev lua ginau duluai gea lalainia amua raduai mahavana be atatu vwate nu hav gitae te radui. Haḡe bwatuna gea kea mwa dabe silon God, i mwa boha waḡa gaivua gea huri be vi varahu ira varana aluna. I la hala gea kun be God mwa bevegi sinombu, i mwa lol Noa mwa bora atat vavtutu lolmatana bwatuna be mwa binihimwasigi garagusi aluna.

Hibru 9:28

Kunia Kraes mwa lin̄ muleinia gi tataroi vatuvwa n̄ano be men lai dagai vuron sinombu. Kea vi mai mulei varuana, take lol taro gea mwa hav mai tehe be men lin̄ muleinia huri vuro, take men lai rahuana hurira be ram hohovia.

Hibru 9:5

La ulun bugoron dameana gea vingaga gairua ramuru seserainia be God mwa dogo. Gabaura mwa ḡagav ute be God mwa lai dagai vuro aia. Take kadogaha taro sigai be nai vev tatavihei duluai.

1 Jon 1:10

Be tas vevea be vuroda sigai, tam lol God gi tenteneana, i mwasigi mwa hav togo tehe aloloda.

1 Jon 2:2

Kraes nu ron̄ gagarasi sibona be men lai dagai vuroda i vuron ureure duluai.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 20:15

Haḡe ihei tehe gabe ihana nu hav ravana tehe vai lol bukan rahuana, enjel mwa bohainira vai lol numbun wain gabi tabwalue.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.