Ravrava non Pol lalai ata Rom 3:22 - Hano Niu Testamen

²² God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

Ravrava non Pol lalai ata Rom 3:22 ပူးပေါင်းရင်းမြစ်များ

Leo Tavuha gabe Luk nu Ravae 15:22

Take tamana mwa uloinira atatun rovoga mwa bevea be, “Giv mai vilvilehi! Giv lai mwasin gaisaga ba sagae ginia. Giv saga rin̄i la bwaruruguna i giv lai sus ba saga ḡoro bwalagena ginia.

Lalaḡova 11:12

Haḡe Vui mwa bevea lalaiau be nai van bul maira darihou haḡea. Haḡe ira binihi mwasigi gaiono nin vanua Jopa ram bano bul maiau vai Sisaria, i kamai duluai gam bano vai la imwan Konilias.

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Lalaḡova 3:16

Geki Haḡea muramura ata lol ihan Jisas gabe mwa lai muramura lalai luḡu geki. I havanau gabe gim ḡitae i gim iloe mwa loli gin binihimwasigi garagusi lol ihana, gin binihimwasigi garagusi alun Jisas n̄ano be mwa lolia mwa rahu kun gabe gim ḡitae kadogaha.”

Ravrava non Pol lalai ata Rom 1:17

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Ravrava non Pol lalai ata Rom 10:4

Kraes mwa lol nogonogoi silo huribe atatu duluai gabe ram binihimwasigi rav vavtutu mai God.

Ravrava non Pol lalai ata Rom 2:1

Mandovai gim binibe gomen vevegi atat dolua, kea gam bahala. La mahavana be gom bevegira, kea gom bevegi mulei hantainigo sibomwa, huribe gom lol ginau n̄an kunia be kera ram lolira.

Ravrava non Pol lalai ata Rom 3:30

bwatuna be kea God n̄an gaituvwa non kera duluai. Kea vi lol ira Jius rav vavtutu maia nin nora binihimwasigi garagusi i mwa lol ira Lolobon̄i ram bavtutu la hala n̄an gea sivi nora binihimwasigi garagusi.

Ravrava non Pol lalai ata Rom 4:16

Atatu ram lai tatauleo non God be nora binihimwasigi garagusi abena. Geki mwa loli huribe tatauleo vi vora ginau be vi laiana vuroi n̄ano. I ira nitun Ebraham duluai rav haḡo tatauleo geki. Mwa hav vora te hurira n̄ano be ram dogo halaten silo non Moses, ta huri ihei tehe be mwa dogo mai binihimwasigi kun Ebraham, gabe tamanda duluai.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 9:30

I ke ginau duluai geki binihivanana kun hanigi? Kera be ira Lolobon̄i ran hav lol te ron̄ora be ramen vavtutu lolmatan God, take ran vavtutu lolmatan God bwatun nora binihimwasigi garagusi.

1 Korin 12:13

Kraes kunia haḡea, rituai nin gida kera vara ira Jius, i rituai ira Lolobon̄i. Rituai nin gida ira turin rovoga, take rituai atat vuroi. Take gida n̄oto tam ḡaruhisabuga lol rebehi gaituvwa sivi Vui Sabuga gaituvwa. I nu tau gida duluai be tav harahara lol vui gaituvwa gea.

1 Korin 4:7

Kun hanigi? Ihei mwa bevea be giḡo gon tavuha nin atatu dodolua? Ginau vwate mwa dogo mai kimiu be God mwa hav laia te lalai kimiu? Sigai! Huri hano gim av ravravwega huri ginau be mwa hav vora te nomwa take God mwa laia lalainigo.

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 3:22

Ninia gea ravrava sabuga mwa lol melmeloinia be ureure mwa bauhi lol vuro. Geki haḡea mulei tatauleo mwa laiana sivi binihimwasigi garagusi lalai atatu be ram binihimwasigi lol Jisas Kraes.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Ifisas 3:12

Lol Kraes tam mai la lolmatan God mai binihiv rahurahu i mai mataguana sigai. Tav lol dumwia geki sivi binihimwasigi lol Kraes Jisas.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

Jemes 2:23

Geki mwa seserai binihiva duluai ata lol ravrava sabuga be mwa bevea be, “Ebraham mwa binihimwasigi God, i God mwa laiḡoḡo binihimwasigi garagusi non Ebraham i binihimwasigi garagusi gea mwa lolia mwa bavtutu mai God.” I God nu uloi Ebraham gi tuana.