Ravrava non Pol lalai ata Rom 3:11 - Hano Niu Testamen

¹¹ Atatu vwat sigai be mwa ḡita batoi ginau. Vwat sigai be mwa ḡita God huri buluiana.

Ravrava non Pol lalai ata Rom 3:11 ပူးပေါင်းရင်းမြစ်များ

Matiu 13:19

Kera gabe ram ron̄ avoana huri be God vi vora Ratahigi lavoa ḡoro atatu duluai, take ram hav ilo te binihiva huria, ram ḡun biri be nu hovi la hala. Vui hantai vi mai, vi rais dagai hano nu gaburaiana alolora.

Ravrava non Pol lalai ata Rom 1:22

Ram bevea be kera ran mataisaoga, take ram mai gi taltaleana.

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

Ravrava non Pol lalai ata Rom 3:10

Ravrava sabuga mwa bevea be: “Atatu vwat sigai be mwa lol bavtutui ginau tagaro, atatu vwat sigai.

Ravrava non Pol lalai ata Rom 3:12

N̄oto ran van burigai dagai. Atatu duluai ran mai i atat vuroi. Atatu vwat sigai be mwa lol ginau tavuha, atat vwat sigai n̄an kunia.

Ravrava non Pol lalai ata Rom 8:7

La mahavana be binihin atatu mwa lalaḡo hurin non doroniva sibona, kea nu hav tavuha tehe la lolmatan God huribe ram hav doron te didi huri silo non God i ram hav doron te mwasigi be ramen huri silo non God.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.