Ravrava non Pol lalai ata Rom 3:10 - Hano Niu Testamen

¹⁰ Ravrava sabuga mwa bevea be: “Atatu vwat sigai be mwa lol bavtutui ginau tagaro, atatu vwat sigai.

Ravrava non Pol lalai ata Rom 3:10 ပူးပေါင်းရင်းမြစ်များ

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Leo Tavuha gabe Mak nu Ravae 10:18

Haḡe Jisas mwa hudalinia be, “Huri hano gom uloiau be tavuha? Atatu vwate nu hav tavuha tehe ta God gaituvwa n̄an.

Ravrava non Pol lalai ata Rom 11:8

Kunia be nu ravana lol ravrava sabuga be: “God nu lol binihin atatu mwa sabwebwe huba i kera ram hav gita te batoi ginau. Mwa ḡoro matara i ram hav gita te dum ute, i bwerora i ram hav roron̄tai dumwi. Geki mwa loli radu mwa bot garigi.”

Ravrava non Pol lalai ata Rom 3:11

Atatu vwat sigai be mwa ḡita batoi ginau. Vwat sigai be mwa ḡita God huri buluiana.

Ravrava non Pol lalai ata Rom 3:23

N̄oto ran lol vuro i ran hav dadariha tehe huri sarisari non God,

Ravrava non Pol lalai ata Rom 3:4

Sigai! God vi garoinia vi vev mwasigi vi vut be sinombu duluai rav tentene. Kunia be ravrava sabuga mwa bevea be: “Giḡo gov maserasera huri mwasigi lol taro be ram bevegigo, tagaro giḡo gom haravira.”

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

1 Pita 1:16

Nu ravana lol Ravrava Sabuga be: “Gov vora atat sabuga, bwatuna nan sabuga.”

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.