Ravrava non Pol lalai ata Rom 2:4 - Hano Niu Testamen

⁴ Kea nu tavuha i nu maḡemu lol alen̄ana, mwa hohovigo be gomen leahi, ta gom binihi bahivoi non togonai. Bisata gom hav gita te batoia be God mwa lol tavuhainigo be gomen leahi alen̄amwa i rahumwa.

Ravrava non Pol lalai ata Rom 2:4 ပူးပေါင်းရင်းမြစ်များ

Ravrava non Pol lalai ata Rom 11:22

Giḡo gom ḡitae be God kea mwa davuha maigo i nu wasi mulei kea mwa bevegira be ram lin̄i ram hav huria tehe. Take God kea vi tavuha maigo, kebe gov garoinia gov huri non tavuha. Kebe gosav lolia tehe, giḡo gov taian dagai nin bwatun gai gea.

Ravrava non Pol lalai ata Rom 11:33

Uwe, ute ratahigi non God nu lavoa maragai, i non mataisao i iloute si hav nogo te dumwi! Atatu vwate si hav hahara te dum vataha ginau be God mwa binihia sage vi ilo tavuhai non hala.

Ravrava non Pol lalai ata Rom 3:25

God nu laia la hala be vi vinihi kaburai vuro sivi binihimwasigi garagusi la dagan Jisas be nu mate. Geki mwa melmelo be God mwa lol hano nu vavtutu i nu tavuha, kunia tuai lol taro be nu togo ḡoḡonai i nu hav vevegi te atatu huri vurora.

Ravrava non Pol lalai ata Rom 6:1

Gim binibe tav vuroga rahurahu vataha mahavana huribe God vi lai hogoi mulei lalai gida?

Ravrava non Pol lalai ata Rom 6:15

I havanau haḡea be tav lolia? Nu tavuha be tav vuroga huribe tam do halaten hogoi non God i vorate aten silo? Sigai!

2 Korin 8:2

Nu haḡo ron̄ora gin taro ririhai lalavoa, i ram hiruga. Take ram lai hogoi liu bwatuna be ram samsamwara.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 2:4

Take sine hagavi non God nu liu, i kea mwa dabe maragai gida.

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Ifisas 3:16

Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Filipae 4:19

Noḡu God vi haḡo non roso be nu gabwola lol Kraes Jisas be vi laia lalai kimiu ginau duluai be gim doronia.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

1 Timoti 1:16

Take nu lai sine hagavi lalaiau huria be aloloku, nan hantai liu ira bwatigoro duluai, Kraes Jisas mwa seserai dumwia be kea mwa haḡo alen̄ n̄ava be n̄olina sigai. Sine n̄ava maiau mwa dau malele hurira be rai binihimwasiginia i rav lai rahuana vai tuai.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

1 Pita 3:20

be ran varihai didi lin̄ maḡemu huri God tuai lol taron Noa. God nu hohovira lol maḡemu lol taro be Noa mwa boha waḡa. Atatu n̄an gaiviha, gaivwelu lol tatan̄ana ram rahu gin wai.

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 3:15

Giv Vinihi dumwia be gida tam rahu bwatuna nonda Ratahigi nu maḡemu. Tuada Pol, nu vevea lalai Kimiu avoan gaituvwa n̄an lol taro be nu ravae lalai kimiu mai mataisao be God nu laia lalainia.

2 Pita 3:3

Nu tavuha maragai huri kimiu be giv ilo tavuhai havanau be vi loli lol ira nogonan gubwen̄i. Atatu rav manuhi kimiu. Kera rav rahu ba lol ira bwatigoro kun be ram doroni.

2 Pita 3:9

Ratahigi Kea mwa hav ravrava tehe huri havanau be mwa datauleo huria la hala be sinombu ravrava ram ilo tavuhai halana be rav take God mwa dogo maḡemu mai kimiu. Kea mwa hav doron te atatu Vwate be vi sala, take mwa doron Sinombu duluai be rav leahi lolora i rahura.

Visirai 2:21

Nam lai taro lalainia be vi vinihi leahi lol non vahalana alun bwatigoro take mwa barihai didi binihi leahi nin vurona.

Visirai 3:20

Giv roron̄tai! Inau nam du lolvwan gatava nam dorodoro; be ihei mwa ron̄ siloku i mwa havan̄ gatava, inau nav haroro lol imwana ba ḡan ginau bul maia, i kea vi gan ginau bul maiau.