Ravrava non Pol lalai ata Rom 2:16 - Hano Niu Testamen

¹⁶ Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

Ravrava non Pol lalai ata Rom 2:16 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Leo Tavuha gabe Luk nu Ravae 8:17

“Havanau tehe mwa dahuliana vi lai bisirainia lol ute melmelo, i havanau tehe mwa hoḡoi ḡoroana, vi habweana i vi laiana vai lol gigita.”

Leo Tavuha gabe Jon nu Ravae 12:48

Ihei tehe mwa bev dagarau, i mwa hav lai te ḡoḡo noḡu avoana, atatu vwate abena gabe vi vevegia. Avoana duluai gabe nan vevera rai vevegia lol nogonan gubwen̄!

Lalaḡova 10:42

I nu vevea lalai kamai be gav toretore huri leo tavuha lalai sinombu, i mulei be gav tu gi gaitura huria be kea God nu gita luae be vi vora vevegi huri rahuana i mateana.

Lalaḡova 17:31

Bwatuna be nu hara vatuvwai gubwen̄i huria be vi vevegi ureure duluai gin vavtutu gin atatu gabe nu gita luae. Kea nu lai non mwasigi huri ginau geki lalai atatu duluai ginia be nu lol domarei wani gea nin mateana!”

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 2:5

Ta kimiu gim bwatwasiga ta gim hav doron te didi leahi, i gim lol mulei vevegi wasi alumiu la gubwen̄i be kea vi lol lua non lolhoro. La gubwen̄i gea atatu n̄oto rav gita mwasin vevegi non God.

Ravrava non Pol lalai ata Rom 3:6

Sigai! Kebe God sihav vevegi te dum gida, kea sihav vevegi te dum ureure.

1 Korin 15:1

Ira tuaku, nam doronbe giv vinihi dum Roroi Tavuha be nan laia lalai kimiu. Gim lai Roroi Tavuha geki i giv tu wasigi aluna.

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

2 Korin 5:10

Bwatuna be gida duluai tav tu la lolmatan Kraes be vi harahara lalai gida. Gida gaitutuvwai mwa du be tav lai havanau mwa du be tav lai dumwia, tavuha sa hantai huri ginau be tan lolira teti lol ureure mai rebehida.

Kelesia 1:11

Ira tuaku, nam doron be giv iloe be Roroi Tavuha ba nam doretore huria lalai kimiu vorate atatu vuroi ram lolia.

1 Timoti 1:11

Silo vagahi kea udun Roroi Tavuha non God samsamwara kea nu lai lalaiau be nai vevea.

2 Timoti 2:8

Gov vinihi dum Jisas Kraes, nu tomare nin mateana, kea ata lol imwan Deved. Geki Roroi Tavuha nam doretore huria,

2 Timoti 4:1

Pol mwa bevea be, nam lai avoan wasi lolmatan God i Kraes Jisas, kea be vi harahara lalainira ran rahu radu i lalainira be ram mate huba, gin non maiana i non Ute Ratahigi.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Hibru 9:27

Mwa du be atatu duluai rav mate vatuvwa i God vi vevegira.

1 Pita 4:5

Gubwen̄ vwate rav vev melmeloinia lalai God, kea be mwa lol vatuvwai be vi vevegi rahuana i mateana.

2 Pita 2:9

Ratahigi nu iloe kun hanigi haḡea be vi varahura gabe ran lol rovoga lalainia lol taro hantai be vi mai. Kea vi haḡo atat bwatigoro i vi vevegira, Lol taro be ram hohovi huri gubwen̄in Silo Vevegi.