Ravrava non Pol lalai ata Rom 16:5 - Hano Niu Testamen

⁵ I nam bev avoan helheloi mulei lalainira be ram mai vai la imwara. Avoan helheloi mulei lalai tuaku Epenetas, be nu vora muan atatu lol vanua Esia be nu huri Kraes.

Ravrava non Pol lalai ata Rom 16:5 ပူးပေါင်းရင်းမြစ်များ

Matiu 18:20

Bwatuna atatu gairua sa gaitolu ram ḡoḡo lol ihaku, inau nam dogo bul maira.”

Lalaḡova 16:6

I kera ram dol lago lol vanua Vrijia i Kalili bwatuna be Vui Sabuga mwa hav mahin̄ainira tehe be rai vano lol vanua Esia.

Lalaḡova 18:12

Haḡe mahavana be Kalio mwa dariana gi tomuai vevev ata Rom lol ute Akaia, i ira Jius ram ḡoḡo utegaituvwa ram haḡo batugehi Pol ram laia vai lol imwan harahara.

Lalaḡova 18:27

Apolos mwa binihia be vi vano vai Akaea, i kunia ira binihimwasigi ata Ivisas ram binihia be rav buluia ba rav letasi lalainira binihimwasigi ata Akaea, be rav laiḡoḡoe. I mahavana be mwa botu mwa bului tavuhai ira binihimwasigi gabe sivi hogoi non God.

Lalaḡova 2:9

Gida ata Patia, Media mai Elam, nin Mesopotamia, Judia, Kapadosia, nin Pontus mai Esia,

Ravrava non Pol lalai ata Rom 11:16

Kebe muan tavihen bereti vi laiana lalai God, ke bereti duluai gea nu sabuga. Kebe garongai nu sabuga, ke raran gai mulei gea ran sabuga.

Ravrava non Pol lalai ata Rom 15:26

Ira binihimwasigi ata Masedonia i ata la n̄olin vanua Kris ram ron̄ mwandavuha be rav lai nora mwane ba bului atat non God be ram hiruga Jerusalem.

Ravrava non Pol lalai ata Rom 16:12

Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

Ravrava non Pol lalai ata Rom 16:4

i ramuru lol vatuvwai be raruvi lin̄ rahura sibora be raru men varahuau. Nam lai avoan avkari lalainira, i ira uloilua gabe ira Lolobon̄i mulei ram lai nora avoan avkari lalainira.

Ravrava non Pol lalai ata Rom 16:6

Avoan helheloi mulei lalai Mere, be nu lol rovoga hahavwani huri kimiu.

Ravrava non Pol lalai ata Rom 16:8

Avoan helheloi lalai Ampliatas, tuaku lol ihan ratahigi.

1 Korin 16:15

Gom iloe be ira varan Stivanas, kera ran vora muan binihimwasigi vai Akaia, i ran lai muleinira huri rovoga non God lalai sinombu. Nam hudali kimiu ira tuaku,

1 Korin 16:19

Uloilua lol vanua lavoa Esia ram hora avoan helheloi lalai kimiu. Akwila i Prisila ram laiḡoḡo kimiu lol ihan Ratahigi, i uloilua mulei be ram mai bulbulu lol imwara.

2 Korin 1:1

Nin Pol hala non Kraes Jisas. Inau horata bwatuna be kea haḡea hano be God mwa doroniau huria. Mulei nin Timoti tuada lol Kraes. Lalai uloilua non God Korin, i lalai sinombu non God duluai vataha ute la ḡereḡeren Kris.

2 Korin 9:2

Nam iloe be gim doronia be giv bului. Nan av ravravwega huria lalai sinombu Masedonia, nam bevea lalainira be la ḡereḡeren Kris ran lol vatuvwai be rav hogoi lol taul vwate huba. I nomiu doroniva be giv hogoi nu lolira kera ivusi ram lol vatuvwai mulei be rav hogoi.

Kolosi 4:15

Giv la helheloi lalai ira tuada Laodisia. I giv helheloi Nimva mai sinombu be ram la bulbulu aten imwana.

Filimon 1:2

lalai Abia, kea hogosida; i lalai Akibas kea atatun rovoga bul mai gida; i lalai uloilua be mwa ḡoḡo bulbulu lol imwamiu:

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

3 Jon 1:1

Nin ira bwatmetue. Lalai mwasin tuaku Kaeas, gabe nam dabea lol mwasigi:

Visirai 14:4

Kera be geki atatu n̄an gabe ran rarainira i ran hav bibili tehe gin rebehin vavine; kera ran gogona. Ram huri daltali nitui sipsip halabehe tehe be kea mwa bano. God nu vol luara huba i mwa lai luara nin atat dodolua. Ram bora muan atatu be ran vora hogoi lalai God mai nitui sipsip.