Ravrava non Pol lalai ata Rom 16:25 - Hano Niu Testamen

²⁵ Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 16:25 ပူးပေါင်းရင်းမြစ်များ

Matiu 13:17

Nam bev mwasigi lalai kimiu be ira atatun vevsera i ira atat vavtutu ivusi ran doron maragai be rav gita ginau be gim ḡitae, take ram hav gitae tehe, be rav ron̄ hano gim ron̄oe, take ram hav ron̄oe tehe.

Matiu 13:35

Ginau geki mwa lol seserai avoana non atatun vevsera be nu vevea tuai be: “God nu vevea kungeki be, ‘Nav avo n̄an gin avoan dalogai lalainira. Nai vev lua ginau dahuligi ata la bwatun tauva.’ ”

Matiu 20:7

Take ram bwaliua be, ‘Bwatuna be atatu mwa hav hudali te kamai huri rovoga.’ Haḡe kunia, mwa bevea lalainira be, ‘Kimiu mulei giv mai ba lol rovoga lol taluku.’

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

Lalaḡova 9:20

Kea mwa bano vai lol imwa tataro gaivua mwa doretore mwa bevea be Jisas kea nitun God.

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

Ravrava non Pol lalai ata Rom 14:4

Gosav vevegi te dum turin rovoga non atatu dolua. Non ratahigi mahaḡea vi vevea be non turi gea mwa lol bavtutu sa sigai. I atatun rovoga non God vi lol vavtutu huribe God mwa buluia mwa lol vavtutu.

Ravrava non Pol lalai ata Rom 2:16

Ginau n̄oto kerageki rav loli lol gubwen̄i be God, sivi Jisas Kraes, vi vevegi binihiv dahuligi non atatu. Roroi Tavuha gabe nam doretore huria mwa bev ginau kerageki.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Korin 2:7

Nam avo gin mataisao dahuligi non God gabe mwa du dahuligi radu, take kea nu gita luae huri nonda lol roroai amua mwa siv tau ureure.

1 Korin 4:1

Sinombu duluai rav gita gida kun be gida ira turin rovoga non Kraes, mwasin atatu gabe God mwa binihimwasiginira mai non mwasigi dahuligi duluai, be mwa du radu.

2 Korin 4:3

Be Leo Tavuha be gim doretore hurira binihiva huria mwa hili, mwa hili n̄an lalainira be ram sala.

2 Korin 4:5

Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

Kelesia 2:2

Nan vano bwatuna be God nu lol melmeloinia mulei lalaiau be nas vano. Nan sogari ira binihimwasigi aia, i gin hala dahuligi nan vevea lalai ira nora tomuai huri Roroi Tavuha be nan toretore huria lalai ira Lolobon̄i. Nan hav doroni tehe be noḡu rovoga ata amua mai rovoga be nan lolia kadogaha vi sabweleiana.

Ifisas 1:9

tav ilo bwatuna be mwa lol taritari dahuligi. Geki havanau be God nu doronia, i nu tari halana be vi lolia sivi Kraes.

Ifisas 3:11

Geki mwa dame haragaituvwa mai bwatutun binbinihi be God nu togo maia la bwativun ureure, i kea mwa lol haraharai non binbinihi sivi Kraes Jisas Ratahigi gida.

Ifisas 3:9

I God nu laia lalaiau rovoga be nav vevea lalai non sinombu, huri non taritariana be mwa du dahuligi, be mwa dahulinira ginia la bwatun tauva. Kea haḡea atatu be nu tau ginau duluai.

Ifisas 6:19

Giv tataro huriau be nav avo, be God vi hogoi avoana be nav vev dum ute hili huri Roroi Tavuha be mataguana sigai.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Kolosi 4:3

Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

2 Tesalonaeka 2:14

God mwa lol Roroi Tavuha be gam doretore huri be men uloinigo be gomen rahu huribe gov rahu dumwi lol sarisari non nonda ratahigi Jisas Kraes.

2 Tesalonaeka 3:3

Ta nonda Ratahigi kea nu mwasigi i vi lai lalainigo muramura i vi gita ḡorogo nin Vui son̄son̄o.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

2 Timoti 2:8

Gov vinihi dum Jisas Kraes, nu tomare nin mateana, kea ata lol imwan Deved. Geki Roroi Tavuha nam doretore huria,

Taetas 1:2

Binihi mwasigi gea i iloute gea mwa mai nin doronhohov huri rahuana vai tuai, taro mwa siv bwativuga, i God sihav tentene te dumwi.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

Visirai 10:7

Take mahavana be gaibitun enjel mwa uv bilan taiva, God vi lai dum non taritari dahuligi, be nu vevea lalai non ira atatun rovoga gabe ira atatun vevsera.”