Ravrava non Pol lalai ata Rom 16:18 - Hano Niu Testamen

¹⁸ Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

Ravrava non Pol lalai ata Rom 16:18 ပူးပေါင်းရင်းမြစ်များ

Matiu 24:11

Haḡe atatun vevsera tentene ivusi rav visirai i rav ruruhi sinombu ivusi.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Matiu 7:15

“Giv gitaḡoro ira atatun vevsera tentene. Ram mai abemiu kun boe mamavu. Take alolora kera kun vwiriu turu.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Ravrava non Pol lalai ata Rom 14:18

Atatu be mwa lol rovoga non Kraes, be mwa dogo la rahuana geki, kea haḡea mwa lol samsamwarai God, i atatu dodolua rav dara aluna.

Ravrava non Pol lalai ata Rom 16:19

Atat binihimwasigi n̄oto ram ron̄oe be gim lol gogonai, i nam ron̄ mwandavuha bwatuna kimiu. Ta nam doron be kimiu giv mataisaoga huri hano be nu tavuha i giv melmelo nin hantai.

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

Kelesia 1:10

Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

Filipae 2:21

Sinombu rituai ram binihi huri rahura n̄an sibora, barabe huri rovoga non Jisas Kraes.

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

Kolosi 2:4

Nam bevea kungeki huribe atatu vwate si hav saruruhigo tehe gin vigaigaiana be men tavuha, take tenteneana.

Kolosi 3:24

Gov vinihi dumwia be gov lai tavwemwa nin God, gabe nu haḡoe huri non atatu. Kraes kea mwasin non Ratahigi be gom lol rovoga lalainia.

2 Tesalonaeka 2:10

Kea vi lolia gin hal lete ivusi be men sasaruhira gabe ran sala. Kera rav mate, huribe ram barihai didi huri hal mwasigi. (Kebe ras doron mwasigi, kera ras rahu.)

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

Jemes 1:1

Inau Semes atatun rovoga non Ratahigi i Jisas Kraes: Avoan helheloi i mwa bano lalai sinombu non God be ram du vataha ute lol ureure.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

Ravrava nin Jud 1:1

Nin Jud atatun rovoga non Jisas Kraes i tuan Semes. Lalai atatu duluai be God nu Uloinira. God Tata nu tabe kimiu, i kimiu gin rahu lol Jisas Kraes:

Ravrava nin Jud 1:12

Ram bora kun ginau bibili lol ginaganian sabuga be gim hogohogo alolona. Ram ḡan ginau maigo i ram hav matagu tehe, ram binihira sibora. Ran kun dodo be uhe sigai, be lan̄i mwa here dodorainia. Ram bora kun gai ata lol taron rara be ram mauri nin tano take vwaira sigai, i ram mate vairuruai.

Ravrava nin Jud 1:16

Atatu kerageki ram av wasi i ram dultuli mai vai la kera dodolua, ram lol ginau vahala be ram doron be rav lolia. Ram av ravravwega hurira sibora, i ram lol alen̄ wasi maia atat dodolua be ramen lol hano be ram doronia.

Visirai 1:1

Geki hano be Jon nu ravae huri Jisas Kraes be God nu laia lalainia, be vi seserainia lalai ira non atatun rovoga huri havanau be vi loli. I Jisas mwa hora non enjel be rav seserainia lalai non atatun rovoga Jon,