Ravrava non Pol lalai ata Rom 16:12 - Hano Niu Testamen

¹² Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

Ravrava non Pol lalai ata Rom 16:12 ပူးပေါင်းရင်းမြစ်များ

Matiu 5:47

Be giv vev ran tavuha lalai nomiu buluana n̄ano, kunia gim hav liu tehe lalaḡova non atatu dodolua. Ira len̄len̄aga mulei ram lol dum kunia.

Matiu 9:38

Mwa du be vi hudali maragai wani be bilan ute huri be vi mom hora atatu rituai mulei rai van ba mom lai ginaganiana.”

Ravrava non Pol lalai ata Rom 16:11

Avoan helheloi mulei lalai Herodion, ata la vanua maiau. Avoan helheloi mulei lalainira be ram dogo lol imwan Nasisas be ram lol rovoga non God.

Ravrava non Pol lalai ata Rom 16:13

Avoan helheloi mulei lalai Ruvas, kea raumatan atatu lolmatan God, i lalai ratahina, be nu vora ratahi lalaiau mulei.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

1 Korin 16:16

be giv huri tomuai non atatu kungeki mai irahei tehe be ram lol rovoga i ram lalaḡo maira.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.