Ravrava non Pol lalai ata Rom 15:3 - Hano Niu Testamen

³ Kraes nu hav rahu tehe be men vinihi huria sibona. Kunia be ravrava sabuga mwa bevea be: “Ira avoan hahantai be atatu ram bohainia vai alumwa, kea mwa mai n̄oto aluku.”

Ravrava non Pol lalai ata Rom 15:3 ပူးပေါင်းရင်းမြစ်များ

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

Matiu 26:39

Haḡe mwa mom bano, mwa hiv bahudui, mwa dataro, mwa bevea be, “Tata, be si dumwi, lai dagai lahan ron̄ḡagarasi geki niniau! Take noḡu doroniva vina ta nomwa n̄ano.”

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Matiu 27:44

Kunia mulei atat surasura gairua gabe ran vohara alun volovolo bul maia kera mulei ramuru av hantai vai alun Jisas.

Leo Tavuha gabe Jon nu Ravae 15:10

Be gim dabe noḡu leo horai giv togo lol noḡu lolotabetabe, kunia gabe nam dabe leo horai non Tamaḡu i nam dogo lol non lolotabetabe.”

Leo Tavuha gabe Jon nu Ravae 15:24

Kera ram buroga bwatuna ran gita ginau duluai gabe nan lolira, gabe atatu vwate mwa hav lol te dumwia radu; i kera ran gita ginau gabe nan lolira, i ram barihai kamaru saraḡo inau mai Tata.

Leo Tavuha gabe Jon nu Ravae 4:34

Haḡe Jisas mwa bevea lalainira be, “Gaku ginau gabe nav tabe silon wani gabe nu horau mai i be nav lol nogonogoi rovoga be nu laia lalaiau be nav lolia.

Leo Tavuha gabe Jon nu Ravae 5:30

“Nasav lol te dum hano gin noḡu roron̄o siboku; nam bevegi n̄an hurin hano God mwa bevea lalaiau, i noḡu silo vevegi nu vavtutu, bwatuna nam hav lol te ron̄oe be namen lol hano be nam doron, take hano gabe wani nu horau mwa doronia.”

Leo Tavuha gabe Jon nu Ravae 6:38

bwatuna nan himai nin lol ute atamare be nav lol doroniva non wani gabe nu horau mai ta barabe noḡu doroniva siboku.

Leo Tavuha gabe Jon nu Ravae 8:29

Haḡe wani gabe nu horau mai kea maiau; mwa hav deraiau te gaheku, bwatuna be nam lol dum non doroniva n̄an vataha mahavana.”

2 Korin 8:9

Gim ilo huri hogoi non nonda Ratahigi Jisas Kraes. Gim iloe be Kraes kea nu rosoga, take huri kimiu mwa mai gi atat hiruga huri be la halan hiru be mwa laia kimiu giv rosoga.

Filipae 2:5

Lol rahumiu giv binbinihi i giv lalaḡo kun Kraes Jisas.

Filipae 2:8

I batena be nu togo kun be atatu, nu lin̄ muleinia sibona i nu masiri gin lolo tabetabe lalai God, vaivotu batena be mateana alun volovolo.