Ravrava non Pol lalai ata Rom 15:15 - Hano Niu Testamen

¹⁵ Take nan ravae lalai kimiu huri ginau duluai, nan hav tahuli te vwate huri ginau rituai be nam doron kimiu be giv iloe. Nam lol ginau geki bwatun be God nu lai lalaiau hogoi tavuha

Ravrava non Pol lalai ata Rom 15:15 ပူးပေါင်းရင်းမြစ်များ

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

Ravrava non Pol lalai ata Rom 12:6

Gida duluai tam lai hogoi dodolua be God nu laia lalai gida, bwatuna non hogoi tavuha lalai gida. Atatu be God nu lai hogoi lalainia be vi vev seserai non avoana, vi vev luae la tovtovon non binihimwasigi garagusi.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 3:10

Nam lalaḡo gin hogoi be God nu laia lalaiau, nam dari bwatbwatun imwa gea kun gabe mataisaon haḡohaḡo imwa. Atatun haḡohaḡo imwa dodolua be ram haḡo alun bwatbwatu n̄an gea, take sinombu duluai rav gitaḡoro kun hanigi ram haḡo imwa aluna.

Kelesia 2:9

Semes, Pita mai Jon, be ram bora ira tomuai, ram ilo melmeloinia rovoga be God nu hogoinia lalaiau. I ram haḡo limamaru gi dovon̄ana be kamaru gaituvwa n̄an maira. Tam iloe be Banabas maiau gav lol rovoga aben ira Lolobon̄i mai ira Jius.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

2 Timoti 1:6

Geki haḡea huri hano nam basineraninigo be gov haḡo ḡoḡo hogoi be God nu laia lalainigo batena be nan tau limaḡu alumwa.

2 Timoti 2:14

Gov vagahi rahurahui ginau kera geki, vev daua lalai sinombu lolmatan God be rasav vigaigai te huri ira avoana. Mwa hav bului te ihei, i mwa lol hantainira be ram roron̄tai.

Taetas 3:1

Vev serae lalai ira binihimwasigi be rav binihi marahi ira tomuai be ram haḡo roron̄o ira tomuai be ram muai ḡoro vanua, rav roron̄tainira rav lol vatuvwai be rav lalaḡoi tavuha,

Hibru 13:22

Ira noḡu buluana, nam rava letasi vwelvwele geki be namen avdura kimiu, i nam hudali kimiu be giv roron̄tai tavuhai huri havanau be nan vevea lalai kimiu.

1 Pita 5:12

Nam rav avoan vwelvwele geki mai buluiana non Sailas, kea nam iloe be atat binihimwasigi lol Kraes. Nam ravae be nav lai avoan dura lalai kimiu i nav vevea lalai kimiu be geki haḡea mwasin hogoi nin God. Giv tu wasigi lol vatavuha gea.

2 Pita 3:15

Giv Vinihi dumwia be gida tam rahu bwatuna nonda Ratahigi nu maḡemu. Tuada Pol, nu vevea lalai Kimiu avoan gaituvwa n̄an lol taro be nu ravae lalai kimiu mai mataisao be God nu laia lalainia.

1 Jon 5:13

Kimiu duluai gim dau nomiu binihimwasigi alun nitun God, i nam ravrava lalai kimiu be gimen iloe be giv haḡo rahuana vai tuai.