Ravrava non Pol lalai ata Rom 15:14 - Hano Niu Testamen

¹⁴ Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

Ravrava non Pol lalai ata Rom 15:14 ပူးပေါင်းရင်းမြစ်များ

1 Korin 1:5

Lol Kraes nu lol kimiu gim rosoga la hala duluai, lol nomiu avoana i nomiu mataisao.

1 Korin 12:8

Vui Sabuga mwa lai lalai atatu vwate be vi avo gin mataisao, i Vui Sabuga n̄an gea mwa laia lalai atatu dolua be vi avo gin iloilo.

1 Korin 13:2

Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

1 Korin 8:1

Kadogaha nav avoinia huri ginau duluai gabe gon ravae lalaiau huri nun vatu. Tam iloe be gida duluai “nonda iloilo abena.” Iloilo mwa sogai luago be gomen ravwega, take lolotabetabe mwa mauri hae.

1 Korin 8:10

Giḡo gon “mataisaoga,” i gom ḡan ginau lol imwa tataro non ira nun vatu. Take atatu vwate be non binihiva lol vui nu mandamanda vi gitago be gom ḡan ginau aia. Kea vi lolia be vi gan ginau be mwa laiana lalai nun vatu be vi iloe be nu hantai be vi lolia.

1 Korin 8:7

Take vorate atatu n̄oto ram ilo ginau geki. Atatu rituai ram binihi dum radui nun vatu i lol taro be ram ḡan bigi. Ram binihi dumwia be ran tataroinia lalai nun vatu. Binihira ran mandamanda, lol taro be ram ḡania, ram ron̄oe kunbe ran vahala.

2 Korin 8:7

Gin rosoga gin ginau duluai lol binihimwasigi garagusi, lol avoana, lol iloute, alolona be gin doronia mwasigi be giv bului, i lol lolotabetabe gin huhuinia nin kamai. Lol hala n̄an gea, giv wasi mulei lol vatavuha huri hogohogosi.

Ifisas 5:9

Gigita mwa lai mwasin lalan̄an tavuha duluai, i togoan vavtutu i mwasigi.

Filipae 1:11

be giv lol ginau tavuha ivusi mai buluiana non Jisas Kraes be vi lai roroa i avkari lalai God.

Filipae 1:7

I inau nam iloe be nan vavtutu be nav binihia kungeki huri kimiu duluai, bwatuna be nam haḡo kimiu lol irubwiku. Kimiu duluai gim bete alolon lolotavuha non God maia kadogaha be inau lol imwa vauvauhi i kadogaha be nam duḡoro i nam seserai lua mwasigi non Roroi tavuha.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

1 Tesalonaeka 5:11

Haḡe giv turatura kimiu gaitutuvwai i giv hagai muramura lalai kimiu gaitutuvwai, kunia kebe gim lolia kadogaha.

1 Tesalonaeka 5:14

Gam hudali kimiu, ira tua be, giv vasinerani kera be ram hav lol te rovoga. Giv tura sinombu be ram matagu. Bului kera be ram beuga. Giv haḡo sine mahuri hurira duluai.

2 Tesalonaeka 1:11

Kea haḡea huri hano gam dataro ḡaoḡao huri kimiu, gam hudali God be vi bului kimiu be giv togo la rahuana gabe nu uloi kimiu be giv togo aluna. Gam dataro be mai non muramura, God vi bului kimiu be giv lol ginau tavuha be gim doronia i giv lol rovoga be ram mai nin nomiu binihimwasigi garagusi.

2 Timoti 1:5

Nam binihi dum nom binihimwasigi garagusi be nu mwasigi. Binihimwasigi garagusi gea nu togo muana lol tuagamwa Lois i lol ratahimwa Iunis, i nam iloe be giḡo kadogaha gom do mai binihimwasigi gea.

Filimon 1:21

Nam rav ravrava uhu, nam iloe be gov lol hano be nam hudalinigo huria i gov lolia vi liu.

Hibru 5:12

Tarona radu abena be kimiu giv vora vagahi, take gim doron vagahi be atatu vi vagahi kimiu gin muan silo vagahi huri roroi non God. Kunia be tarona be gisav gan te ginau wasi radu, take mwa du be giv huhu radu.

Hibru 6:9

Ira noḡu buluana bisata kamai gam avo lalai kimiu kunia take, bisata nomai binihiva mwa hav hovi tehe huri kimiu n̄an haḡea. Kamai gam iloe be gim lai dum hala gea be God mwa lalaḡo aluna be vi lai varahuva lalai kimiu.

2 Pita 1:12

Kimiu gim ilo ginau duluai geki, i kimiu gin wasi maragai lol mwasigi, take nav bului kimiu be giv vinihi dumwira.

1 Jon 2:21

Nam hav ravae tehe lalai kimiu bwatuna be gim hav ilo te mwasigi, ta nam ravae lalai kimiu bwatuna be gim ilo mwasigi. I gim iloe be tenteneana mwa mai nin mwasigi.