Ravrava non Pol lalai ata Rom 14:2 - Hano Niu Testamen

² Atatu rituai ram binibe nu tavuha be vi ganiana na lalan̄an ginaganiana n̄oto. Take rituai be ran mandamanda, ram binihimwasigi garagusi be nu vavtutu be vi ganiana n̄ano na ginaganiana be mwa rivuana lol ute loloara.

Ravrava non Pol lalai ata Rom 14:2 ပူးပေါင်းရင်းမြစ်များ

Ravrava non Pol lalai ata Rom 14:1

Giv samsamwara be giv lai ḡoḡo atatu gabe non binihimwasigi garagusi nu mandamanda, gisav vigaigai tehe huri nora vahalana.

Ravrava non Pol lalai ata Rom 14:14

Nam dogo lol Ratahigi Jisas, i nam iloe be ginaganiana vwate nu hav hantai tehe be vi ganiana. Take be atatu rituai rav vinihi mwasigi be ginau vwate nu vahala, kea nu vahala huria sibona.

Ravrava non Pol lalai ata Rom 14:20

Gosav lol te ginaganiana be vi lol kaburai rovoga non God. Ginaganiana duluai nu tavuha be vi ganiana, ta nu hav tavuha tehe be vi ganiana na ginaganiana be mwa dau atatu dolua lol vuro.

Ravrava non Pol lalai ata Rom 15:1

Gida be tam du wasigi lol binihimwasigi garagusi tas lol ron̄oe be tas bului kera be ram mandamanda mai nora binihimwasigi, take tasav binihi te huri gida siboda.

1 Korin 10:25

Gov gan bigi n̄oto be mwa saleiana lol tanon volvoli. Gosav hudali te avoan hudaligi gin binihimwa.

1 Korin 8:9

Binihimiu nu maribwesi. Gov gitaḡoro be nom binihiva si hav lolira tehe be ran mandamanda lol binihimwasigi garagusi be rav hovi lol vuro.

1 Korin 9:22

Lalainira be ram mandamanda, inau mulei nam bora kunira, huribe nav lai dum ira mandamanda. Nam mai gi ginau duluai lalai atatu n̄oto huribe nav lol dum rovoga lalainira la hala duluai be vi dumwi.

Kelesia 2:12

Amua atatu rituai be Semes nu horara ram bisirai aia, Pita nu gan ginau maira Lolobon̄i. Take lol taro be ram bisirai, Pita mwa mambui ginaganiana maira Lolobon̄i, i mwa dogo dagai ninira, bwatuna be mwa matagun ira varan ira Jius huribe ram doretore huri tavdovon̄a.

1 Timoti 4:4

Ginau duluai be God nu lolia nu tavuha i kea mwa hav tu tehe be vi varihaiana na ginau vwate kea be mwa laian ḡoḡo lol avkari,

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.

Hibru 13:9

Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.

Hibru 9:10

Ira silo gea ram bevea huri ginaganiana i wai mai alen̄an bwagabwaga ginau. Ira silo geki rav tu vaivotu be God vi leahi ginau duluai vi mai gi ginau gara. Take kadogaha Kraes nu mai huba gi muai tataroi huri ginau tavtavuha be vi mai.