Ravrava non Pol lalai ata Rom 14:18 - Hano Niu Testamen

¹⁸ Atatu be mwa lol rovoga non Kraes, be mwa dogo la rahuana geki, kea haḡea mwa lol samsamwarai God, i atatu dodolua rav dara aluna.

Ravrava non Pol lalai ata Rom 14:18 ပူးပေါင်းရင်းမြစ်များ

Leo Tavuha gabe Mak nu Ravae 13:34

Vi ḡun atatu gabe mwa ban dagai nin vanuana vai la vanua dolua hautu i mwa dari non atatun rovoga rituai be rav gitaḡoro vataha tatan̄an rovoga be mwa laia vatvatahara be rav lolia. I mwa bevea lalai wani mwa ḡitaḡoro gatava be vi mamata.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Lalaḡova 10:35

Ihei tehe gabe mwa ḡogonainia i mwa lalaḡo bavtutu nu tavuha n̄an lalainia, son̄o be kea hava guli.

Ravrava non Pol lalai ata Rom 12:11

Gosav bwatiḡoruga tehe ta gov lol rovoga hahavwani, gov gogonai God gin lolomwa duluai.

Ravrava non Pol lalai ata Rom 14:4

Gosav vevegi te dum turin rovoga non atatu dolua. Non ratahigi mahaḡea vi vevea be non turi gea mwa lol bavtutu sa sigai. I atatun rovoga non God vi lol vavtutu huribe God mwa buluia mwa lol vavtutu.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

1 Korin 7:22

Kera be ran vora ira turin rovoga lol taro be God nu uloinira kera ram bora maribwesi lolmatan God. La hala n̄an gea, atat maribwesi be Kraes nu uloinira ram bora non turin rovoga.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

2 Korin 5:11

Huri be tam iloe huba huri binihiva be rav gogonai God, tan lol ron̄oe be tai bului sinombu be rav lai ḡoḡo mwasigi huri gida. God mwa ilo didinigi gida, i nam doronhohov be lol lolomiu kimiu mulei gim iloe.

2 Korin 5:9

Gatavada gaituvwa n̄an be tav lol samsamwarai God be tam do teti sa amare.

2 Korin 6:4

Take la hala duluai gam seserainia be kamai atatun rovoga non God: aluna be gam damei ginau ririhai, i lol hal ririhai lalavoa.

2 Korin 8:21

Gam lol rovoga hahavwani be gav lol havanau be Ratahigi vi dameinia kun be nu vavtutu kunia.

Filipae 4:18

I kadogaha nam lai ginau duluai i liu. Nam haḡo ginau duluai be nam doronia, bwatuna be Epavrodaetas nu lai nomiu hogoi lalaiau. Kun hogoi huri ahu bon ḡologolo lalai God, kea be mwa lai ḡoḡo tataroi i mwa ron̄ mwandavuha ginia.

Filipae 4:8

Ira tuaku giv binihi huri ginau be ran tavuha i ran dadariha huri avkariana. Binihi huri ginau be ran mwasigi i binihi marahi i ran vavtutu, i ran melmelo i ran gabwola i mwa ḡogonaiana.

Kolosi 3:24

Gov vinihi dumwia be gov lai tavwemwa nin God, gabe nu haḡoe huri non atatu. Kraes kea mwasin non Ratahigi be gom lol rovoga lalainia.

1 Timoti 2:3

Geki nu tavuha, i lol samsamwarai God varahuda,

1 Timoti 5:4

Take ira bwero be ira nitura sa ira nitun nitura abena, lin̄ira muana rav huhuinia be rav lol nora rovoga lalainira ata lol imwara sibora i rav tavwe ira tamara i ratahira sa nora gitaḡoro. Kea mwa lol God mwa samsamwara.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:20

Kebe giḡo gom wehiana huri nom ute lete, hala vwate sigai lalainigo be gov uloi roroainigo huri alen̄ maḡemu lol nom silo vevegi. Take be gov ron̄ ḡagarasi huri nom vavtutu, i giḡo gon maḡemu, kea God mwa ron̄ mwandavuha.

1 Pita 2:5

Kimiu mulei gin ḡun vatun rahuana, i giv lin̄ kimiu sibomiu ba lol tanon tataroi sabuga i be giv ḡun lalaḡo sabuga gabe mwa lai tataroi tuntun sabuga lalai God. Kea vi lai ira tataroi geki sivi Jisas Kraes.

1 Pita 3:16

take giv vwaliua gin alen̄ maḡemu i binihi marahi. Binihimiu vi melmelo huribe kera be ram bev avoan hahantai huri nomiu rahuan tavuha lol Kraes rav busbusi.