Ravrava non Pol lalai ata Rom 13:12 - Hano Niu Testamen

¹² “Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Ravrava non Pol lalai ata Rom 13:12 ပူးပေါင်းရင်းမြစ်များ

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

1 Korin 10:11

Ginau kera geki be mwa loli lalainira geki take ram bora malele. Ram ravae huribe rai vagahi gida, huribe tam dogo lol taro be ginau ata lol ureure duluai ram bavora ram binogonogo.

1 Korin 7:29

Ira tuaku, geki haḡea binihivanan hano be nam bevea: Taro vwelvwele huba mwa du lalai gida. Mwa dau bwatuna kadogaha, kera gabe tasalara abena rav togo kun gabe tasalara sigai.

2 Korin 10:4

Gam bwalo gin haḡohaḡon bwaloana be ureure mwa bwalo ginira. Nomai haḡohaḡon bwaloana gam haḡo muramura nin God kea be vi lol kaburai dum tanon ivwalu be nu wasi. Gam lol kaburai dum vigaigaiana ivusi,

2 Korin 6:7

gin avoan mwasigi, i gin muramura non God. Gam haḡo rahuana vavtutu mwa bora tutuḡoro huri kamai sibomai ḡoro ginau duluai.

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

Ifisas 5:11

Gisav lol te havanau gabe mwa lalaḡoiana lol ute meto, be nu hav tavuha tehe huri havanau tehe. Take mwa seserainia be kera ran vahala.

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Jemes 1:21

Vuro i alen̄ deḡeteḡe gov tau dagainia nin rahumwa. Gin ron̄ maḡemu gov lai ḡoḡo silo vagahi non God i gov rivua lol irubwimwa. Silo vagahi geki vi varahu rahumwa.

Jemes 5:8

Kimiu mulei, giv maḡemu. Giv doronhohov, bwatuna Ratahigi vi mai vilvilehi.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,

2 Pita 3:9

Ratahigi Kea mwa hav ravrava tehe huri havanau be mwa datauleo huria la hala be sinombu ravrava ram ilo tavuhai halana be rav take God mwa dogo maḡemu mai kimiu. Kea mwa hav doron te atatu Vwate be vi sala, take mwa doron Sinombu duluai be rav leahi lolora i rahura.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

Visirai 1:3

Samwarana lalai ihei be mwa basogo buka geki i vatavuhai ira hei dodolua sage ram roron̄tainia i ram dabea. Tarona mwa sosori be ginau duluai geki vi loli.

Visirai 22:10

I kea mwa bevea lalaiau be, “Gisav tu te ḡoro avoan vevsera ata lol buka geki. Tarona mwa abena huri ginau geki be rav loli.