Ravrava non Pol lalai ata Rom 12:6 - Hano Niu Testamen

⁶ Gida duluai tam lai hogoi dodolua be God nu laia lalai gida, bwatuna non hogoi tavuha lalai gida. Atatu be God nu lai hogoi lalainia be vi vev seserai non avoana, vi vev luae la tovtovon non binihimwasigi garagusi.

Ravrava non Pol lalai ata Rom 12:6 ပူးပေါင်းရင်းမြစ်များ

Matiu 23:34

Huri ginau gea nam bevea lalai kimiu be nav hora ira atatun vevsera maira mataisao maira vagahi lalai kimiu, i giv wehi rituai, giv voha rituai vai alun volovolo, i giv vivilis rituai lol nomiu imwa tataro, i giv mwaloi rituai nin vanua vai la vanua dolua.

Matiu 25:22

“Haḡe atatun rovoga gabe nu lai dola vasan̄vul varua mwa haroro, mwa bevea be, ‘Ratahigi, gon lai lalaiau dola vasan̄vul varua. Gitae, nan mom lai mulei dola vasan̄vul varua amare aluna.’

Leo Tavuha gabe Luk nu Ravae 11:49

Bwatuna higea mataisao non God nu vevea be: ‘Nav hora ira atatun vevsera lalainira i rav wehi bamat rituai i rav lol ḡagaras rituai.’

Lalaḡova 13:1

Haḡe ira atatun vevsera mai ira vagahi rituai lol uloilua Antiok Banabas mai Simion mwa uloinia be gul Meto, Lusias nin Sairini, Manaen kea gabe nu togotogo mai Ratahigi Lavoa Herod, mai Sol.

Lalaḡova 15:32

Haḡe Judas mai Sailas gabe kera atatun vevsera, ramuru dogo vain̄ava maira ramuru lai avoan dura i ramuru suvwainira be rav muramuraga.

Lalaḡova 2:17

God mwa bevea be, “La nogonan gubwen̄ nav salil noḡu Vui Sabuga alun atatu duluai. I ira nitumiu atamwani mai ira vavine rav seserai noḡu roroi. Ira nitumiu mwalmwalaḡelo rav hueri, i nomiu bwatmetua rav gita maturubore.

Lalaḡova 21:9

Haḡe ira nitun Vilip vavin daulato gaivasi, ram bev lua avoana non God vataha mahavana.

Ravrava non Pol lalai ata Rom 1:11

Nam doron maragai be nav gita kimiu, i nav lai ira hogoi tataroi rituai lalai kimiu be vi lol kimiu giv tu wasigi.

Ravrava non Pol lalai ata Rom 12:3

Huribe God nu lai lalaiau hogoi tavuha, nam binihi ginau tavuha vwate be nav vevea lalai kimiu. Gosav vinihi tehe be gon tavuha liua be hiḡo kadogaha. Gov vinihia be hiḡo atat kunhanigi la halan binihimwasigi garagusi be God nu laia lalainigo.

1 Korin 12:18

Be mavuvun rebehi si vora dadariha n̄oto, kea si vora rebehi sigai.

1 Korin 13:2

Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

1 Korin 14:1

Gov vano huri lolotabetabe. Gos n̄arin̄ari be gos haḡo hogoi lol vui, liuhage hogoi huri toretore huri roroi non God.

1 Korin 14:24

Take be n̄oto ram doretore huri roroi tavuha non God i rituai ram haroro be ram hav vinihi te mwasigi, i ram hav iloe tehe. Be n̄oto ram doretore huri roroi tavuha, vurora vi seseraiana lalainira, i rai vevegi huri ginau n̄oto be ram ron̄oe.

1 Korin 14:29

Gairua n̄ano sa gaitolu na ira atatun vevsera ras avo, i rituai rai vev lolon hano be ram bevea.

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

1 Korin 7:7

Nam doron be atatu duluai ran ḡuniau n̄ano, take atatu gaitutuvwai nora hogoi gaitutuvwai batvatahara, be God nu laia lalainia. Vwate non hogoi dolua i vwate non hogoi dolua.

2 Korin 8:12

Be gom doron be gov lai nom hogoi, God vi dame alun nom hogoi, vi vevegiana vi hurin hano be nomwa abena, take vorate ginau be nomwa sigai.

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

Filipae 3:15

Gida duluai be tan metua lol hogoi ata lol vui mwa du be tai binbinihi huri hala geki mulei. I be aia ginau rituai be gim hav dame te huria, God vi lolira rav melmelo lalai kimiu.

1 Tesalonaeka 5:20

Gisav vev te hantai avoan non atatu be God nu laia lalainia.

2 Pita 1:20

Liuhage, mwa du maragai be giv ilo ginau geki i Avoan vev sera sigai lol Ravrava Sabuga, lol ravrava be nu mai nin avoana non ira atatun Vev Sera Sibora.