Ravrava non Pol lalai ata Rom 12:5 - Hano Niu Testamen

⁵ Kunia mulei, gida ivusi, ta alun Kraes, gida n̄oto rebehi gaituvwa n̄ano. Gida duluai tam bul gaituvwa aluda siboda, i kunia be udun rebehi gaituvwa ram bul gaituvwa.

Ravrava non Pol lalai ata Rom 12:5 ပူးပေါင်းရင်းမြစ်များ

Leo Tavuha gabe Jon nu Ravae 17:11

I kadogaha nam mai hurigo; nasav mom dogo te mulei lol ureure, take kera ram dogo lol ureure. Tata Sabuga! Gov gitae be rav rahu bwatuna ihamwa nu muramura, iha gabe gon laia lalaiau, huri be rai vora gaituvwa kun gabe gidaru gaituvwa.

Ravrava non Pol lalai ata Rom 12:4

Rebehida gaitutuvwai mwa du mai vatahanana ivusi, i vatahanana keragea ram du mai nora lalan̄an rovoga ivusi.

1 Korin 10:17

Huribe bereti gaituvwa n̄ano, gida tam bora rebehi gaituvwa, huribe tam bul gaituvwa lol bereti gaituvwa.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 12:20

I kunia mavuvuda ivusi, take rebehi gaituvwa n̄ano.

1 Korin 6:15

Mwasigi haḡea gim iloe be rebehimiu haḡea udun rebehin Kraes sibona. Kunia inau nasav lai te dum rebehin Kraes be men bulu mai rebehin vavinen rovrovoi homu. Sigai, si hav dumwi tehe!

Ifisas 1:23

kea gabe rebehin Kraes. Uloilua nu masiri latlate gin Kraes, i Kraes nu hogon bamasiri ginau duluai la hala duluai.

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Ifisas 4:25

Haḡe mwa du be giv lin̄i be gim dentene. Giv vev mwasigi lalai vatvataha kimiu, bwatuna be gida duluai ira ududun vatvataha gida lol rebehi gaituvwa.

Ifisas 5:23

bwatuna be ahoai kea muai ḡoro tasalai, kun gabe Kraes kea muai ḡoro uloilua. I kea haḡea varahun rebehi, gabe uloilua.

Ifisas 5:30

Bwatuna be gida ududun rebehina.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

Kolosi 2:19

Ram hav tu te wasi la Kraes, gabe bwatbwatuna. Kraes kea bwatun rebehi. Kraes kea mwa bwalao rebehi n̄oto. Mwa ban̄an rebehi i mwa haḡo bulbulua ute gaituvwa mai ira hui i ira wesi. Rebehi gea mwa mauri la halana be God mwa doronia be vi mauri.