Ravrava non Pol lalai ata Rom 12:2 - Hano Niu Testamen

² Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 12:2 ပူးပေါင်းရင်းမြစ်များ

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Leo Tavuha gabe Mak nu Ravae 4:19

take lalaḡova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum.

Leo Tavuha gabe Jon nu Ravae 14:30

Nasav mom avo te vain̄ava mulei mai kimiu bwatuna be tomuai ata lol ureure geki mwa mai kadogaha. Kea mwa hav muramura tehe ḡoroau,

Leo Tavuha gabe Jon nu Ravae 15:19

Be gis vora bilan ureure, kunia ureure si tabe kimiu kun gabe bilana sibona. Take nan gita lua kimiu nin ureure geki, i kimiu gim hav vora te bilana; i bwatuna higea ureure mwa barihai kimiu.

Leo Tavuha gabe Jon nu Ravae 17:14

Nan lai nom roroi lalainira, take ureure mwa barihainira, bwatuna be ram hav vora te bilan ureure, kunia n̄an mulei be inau nam hav vora te bilan ureure.

Leo Tavuha gabe Jon nu Ravae 7:7

Haḡe ureure sihav varihai te kimiu, take vi varihaiau, bwatuna be nam bev ḡaoḡaoinia be hala be mwa rovo aluna ran hav tavuha tehe.

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 13:14

Take gov sagago mai ratahigi Jisas Kraes i gov vinihi malioi vuro be gom lolia hurin binihimwa sibomwa.

Ravrava non Pol lalai ata Rom 7:12

Silo nu sabuga, i avoana nu sabuga nu tavuha i nu vavtutu.

Ravrava non Pol lalai ata Rom 7:14

Gida tam iloe be silo God nu taua, take nam hav sabuga tehe nu tau bwatuna be vuro nu tomuaiau kunia be nan vora non turin rovoga.

Ravrava non Pol lalai ata Rom 7:22

Lol binihiḡu, nam ron̄ mwa davuha mai silo non God.

1 Korin 3:19

Bwatuna be mataisao ata lol ureure geki lalai God kea mwa bora ginau bwaḡelega. Mwa bevea lol ravrava sabuga be, “Kea mwa lai dumwira be ram sani la nora vidi sibora gin nora mataisao.”

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 5:17

Kimiu gisav taltale tehe take giv huhui havanau be Ratahigi mwa doronigo be gov lolia

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 4:3

God mwa doron kimiu be giv sabuga i giv to dagai nin bwatigoro mai atamwani i vavine ram bulu lol rebehira.

Taetas 3:5

kea nu varahu gida bwatuna non sine hagavi. Nu hav vora te bwatun be huri rovoga tavuha be tan lolia haḡe tam bavtutu maia. Nu varahu gida sivi bwaga melmeloi gida gi sinombu gara sivi Vui Sabuga.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

1 Pita 1:18

Gim iloe be amua gin togo lol rahuan garagusi, la hala be mwa rovo atagu nin atatu be ran togo amua ninigo. Take gin rahu nin rahuan hantai. Nu vol kimiu, kun ginau be vi nogonogo dumwi kun vatlegiga, i vatan̄oga,

1 Pita 2:3

bwatuna be giḡo gom iloe huba i gom ḡitae kun hanigi haḡea Ratahigi nu tavuha.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

2 Pita 1:4

Sivi ginau kera geki nu lai lalai gida ira tatauleo Wasi i tavuha. Mai hogoi kera geki kimiu giv betea i giv kun God, i ureure sihav lol te dum hantai kimiu mai non doroniv bwatigoro.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

1 Jon 3:13

Ira tuaku, gisav dan̄an̄a tehe bwatuna be atatu ata lol ureure ram barihai kimiu.

1 Jon 5:19

Tam iloe be tam mai nin God i ureure duluai, i ureure duluai mwa dogo halaten muramura non ivwalu.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.