Ravrava non Pol lalai ata Rom 12:13 - Hano Niu Testamen

¹³ Gov hogos atat non God be ram do ririhai. Gov lai tausala be ram doron ginau, vai la imwamwa.

Ravrava non Pol lalai ata Rom 12:13 ပူးပေါင်းရင်းမြစ်များ

Matiu 25:35

Huri be batena be maro nu gasiau, gin lai ginaganiana lalaiau. Nan mandou, gin lai wai lalaiau. Nan lago gi tausala, gin lai ḡoḡoau vai lol imwamiu.

Lalaḡova 10:4

Haḡe kea mwa ḡita mutmutai enjel gin mataguana i mwa bevea lalainia be, “Havanau, Vagahi?” Haḡe enjel mwa bwaliua mwa bevea lalainia be, “God mwa ron̄ mwa davuha gin nom tataro i nom rovoga alun lolotabetabe, i kea mwa dogo be vi vwaliugo.

Lalaḡova 4:35

ram laia lalai ira hala, i homu mwa harana batvatahara huri nora doroniva.

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

1 Korin 16:15

Gom iloe be ira varan Stivanas, kera ran vora muan binihimwasigi vai Akaia, i ran lai muleinira huri rovoga non God lalai sinombu. Nam hudali kimiu ira tuaku,

2 Korin 9:1

Mwasigi be mwa hav tu tehe be nav rav ravrava lalai kimiu huri buluiana bului sinombu non God.

2 Korin 9:12

Rovoga geki be gim lolia mwa hav bului te sinombu non God n̄an, ita mulei mwa lai avkari gaivua lalai God.

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

Taetas 1:8

Tomuai wani be mwa lol vatuvwai be vi lai ḡoḡo tausala, vi tabe havanau be nu tavuha, vi mataisaoga, i vi to bavtutu, vi togo la hala be nu sabuga, vi togoinia sibona.

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Filimon 1:7

Noḡu samwarana gaivua maragai i lolo tavuha, tuaku, bwatuna be lolotabetabe be gom seserainia lalai sinombu non God mwa lol bamahurinira.

Hibru 13:16

Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

Hibru 13:2

Giv vinihi dum silo lai laiḡoḡo tausala la vanuamiu. I atatu rituai ram laiḡoḡo ira enjel vai la vanuara take ram hav iloe tehe.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

1 Pita 4:9

Giv havan̄ imwamiu lalai kimiu gaitutuvwai, i gisav ḡurutu tehe huria.

1 Jon 3:17

Be gida nonda ginau abena i tam ḡita atat dodolua be nora sigai, ta be tam hav buluira tehe, tasav vev te dumwia be tam dabe God.

3 Jon 1:5

Tuaku, nu tavuha be gom bului ira atatun Uloilua, vaivotu kera be gom len̄ainira.