Ravrava non Pol lalai ata Rom 12:10 - Hano Niu Testamen

¹⁰ Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

Ravrava non Pol lalai ata Rom 12:10 ပူးပေါင်းရင်းမြစ်များ

Matiu 20:26

Take alen̄amiu si hav vora te kunia. Be ihei nin kimiu mwa binihi be kea lavoa, vi mai gi nomiu atatun rovoga.

Leo Tavuha gabe Luk nu Ravae 14:10

Mahavana be ram uloinigo gov lai tanon togotogo hivhivo, bwatuna be wani gabe mwa warego vi mai vi vevea lalainigo be, ‘Hamai lua noḡu buluana, vai lol tanon togotogo tavuha.’ Kunia gov lai ute roroa la lolmatan ira tausala rituai.

Leo Tavuha gabe Jon nu Ravae 15:17

Geki haḡea ginau gabe nan vevea lalai kimiu: giv tabetabe kimiu.”

Leo Tavuha gabe Jon nu Ravae 17:21

Nam dataro be kera duluai rai bul gaituvwa. Tata! Nam dataro be kera rav bulu alolodaru, kunia n̄an gabe giḡo aloloku i inau alolomwa. Nam dataro be rav bul gaituvwa, huribe ureure vi binihimwasigi be gon horau.

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

Ravrava non Pol lalai ata Rom 13:7

Giv vol nomiu homu duluai i havanau be gin laia. Kebe gin lai te lalan̄an homu, giv volia. Giv lai binihi marahi i silo gogonai lalai nira duluai.

Kelesia 5:13

Ira tuaku, God nu uloi kimiu huba gi atat mwaribwesi, take gisav haḡo te nomiu ribwesiva gi hala vwate be vi lol kimiu gi atat vuroga sibomiu. Giv lol rovoga lalai kimiu sibomiu gin lolotabetabe.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

1 Tesalonaeka 4:9

Mwa hav tu tehe be gav ravae lalai kimiu huria be giv haḡo tabeana huri ira atatun Kraes duluai, bwatuna be God nu vagahi kimiu huba be giv tabetabe kimiu.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

Hibru 13:1

Giv tabetabe kimiu kunira huhu gaituvwa.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 2:17

Giv to binihi marahi atatu duluai: Giv tabe ira atamwani i vavine nin ata lol imwan God, giv binihi marahi God i giv lin̄ maḡemu lalai ratahigi lavoa.

1 Pita 5:5

La hala n̄an gea, ira mwalaḡelo gara mwa du maragai be giv togo halaten ira bwatmetue. I kimiu duluai mwa du maragai be giv binihi bahivoi kimiu gaitutuvwai. “God mwa avo vai alun ravwegana, take mwa lai vatavuha lalai ira lolo maḡemu.”

2 Pita 1:7

be rovoga non God mwa dogo huba giv bulusia gin alen̄ tavuha lalai ira tuamwa; be alen̄ tavuha mwa dogo huba giv bulusia gin lolotabetabe.

1 Jon 4:11

Ira noḡu buluana, bwatuna be God mwa dabe maragai gida, nonda mulei be tav tabetabe gida.

1 Jon 4:20

Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?