Ravrava non Pol lalai ata Rom 11:18 - Hano Niu Testamen

¹⁸ Kimiu gisav gita te hantai ira rara be ran mosi huba. Kebe giv gita hantainira, giv vinihi dumwia be gim hav tura te garona, take garona haḡea mwa durago.

Ravrava non Pol lalai ata Rom 11:18 ပူးပေါင်းရင်းမြစ်များ

Matiu 26:33

Pita mwa av lua, mwa bevea lalai Jisas be, “Inau nasav lin̄igo tehe, son̄o be kera duluai ras lol kunia.”

Leo Tavuha gabe Jon nu Ravae 10:16

Vatugi sipsip dodolua gabe bilaku ram hav togo tehe lol vatugigi geki. Nav laira mulei; rav ron̄ siloku, i rai vora vatugi sipsip gaituvwa mai radaiḡoro gaituvwa.”

Leo Tavuha gabe Jon nu Ravae 4:22

Kimiu ata Samaria gim hav iloe tehe be gim dataro lalai ihei, take kamai ira Jius gam iloe be gam dataro lalai ihei, bwatuna varahuva mwa mai nin ira Jius.

Lalaḡova 25:7

Haḡe mahavana be Pol mwa haroro, ira Jius gabe ram mai nin Jerusalem ram du dalisia ram dau bwatuna ram dau avoan wasi vai aluna, gabe nuhav vavtutu tehe be vi harana.

Ravrava non Pol lalai ata Rom 11:20

Kea mwasigi. Take rara keragea ran mosi kaburai bwatuna be ram hav binihi te mwasigi, i giḡo gom ḡaroinia gom bora vatahanan bwatungai gea huria be gom binihimwasigi. Gosav rav ravwega tehe, ta gov matagu.

Ravrava non Pol lalai ata Rom 3:27

I ke ginau te vwate huria be tav av ravravwega huri gida siboda? Sigai! Huri hano haḡe sigai? Kea haḡea hala huri binihimwasigi garagusi be vi tuḡoro atatu nin avoan ravravwega, mwa hav vora te hala huribe ram dabe silo.

Ravrava non Pol lalai ata Rom 4:16

Atatu ram lai tatauleo non God be nora binihimwasigi garagusi abena. Geki mwa loli huribe tatauleo vi vora ginau be vi laiana vuroi n̄ano. I ira nitun Ebraham duluai rav haḡo tatauleo geki. Mwa hav vora te hurira n̄ano be ram dogo halaten silo non Moses, ta huri ihei tehe be mwa dogo mai binihimwasigi kun Ebraham, gabe tamanda duluai.

1 Korin 10:12

Be gom binibe gon wasi, gov gitaḡoro be gosav hovi tehe.

Kelesia 3:29

Be giḡo lalai Kraes, i giḡo vara ata la Ebraham. Giḡo gov lai tanoi duluai lol vatavuha non God bwatuna tatauleo be God nu laia lalai Ebraham.