Ravrava non Pol lalai ata Rom 10:17 - Hano Niu Testamen

¹⁷ I binihimwasigi garagusi mwa mai ninia be mwa ron̄oana na Roroi Tavuha, i atatu ram ron̄ Roroi Tavuha lol taro be atatu vwate mwa bevea lalainira huri Kraes.

Ravrava non Pol lalai ata Rom 10:17 ပူးပေါင်းရင်းမြစ်များ

Leo Tavuha gabe Mak nu Ravae 4:24

Haḡe mwa bevea lalainira be, “Giv lai ḡoḡo ginau gabe gin ron̄oe; tovtovon silo gim bevegi atatu ginia God vi vevegi mulei kimiu ginia ta vi vora gaivua liu nin kea.

Leo Tavuha gabe Luk nu Ravae 11:28

Take Jisas mwa bwaliua, “Sigai ta irahei gabe ram ron̄ avoana non God i ram ḡoḡoi ḡoroe rav ron̄ mwandavuha.”

Leo Tavuha gabe Luk nu Ravae 8:11

“Geki binihiva huri avoan dalogai: Biri haḡea avoana non God.

Leo Tavuha gabe Luk nu Ravae 8:21

Take Jisas mwa bevea lalai sinombu be, “Ratahiku mai ira tuaku kera gabe ram ron̄ avoana non God i ram dabea.”

Leo Tavuha gabe Jon nu Ravae 1:37

Haḡe ira roron̄tai non Jon gairua ramuru ron̄ avoana geki ramuru huri Jisas.

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 10:14

Ta amua atatu ram siv hudali God huri buluiana, kera rav binihimwasigi aluna; i amua ram siv binihimwasigi aluna, rav ron̄ avoan sabuga kaburai huria; i lalainira be rav ron̄ avoana huri God, atatu vwate vi vevea lalainira;

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

Kelesia 3:2

Vevea lalaiau ginau gaituvwa geki kunhanigi haḡea gom lai Vui Sabuga? Gom lai Vui Sabuga huribe gom huri silo? Sigai, gom lai Vui Sabuga bwatuna be gom ron̄ Roroi Tavuha i gom binihimwasigi aluna.

Kelesia 3:5

Mandovai God mwa lai Vui Sabuga i mwa lol ginau dan̄an̄a lol davolamiu huribe gim huri silo? Sigai, mwa lol ginau kerageki bwatuna be gom ron̄ Roroi Tavuha i gom binihimwasiginia.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

Hibru 4:2

Bwatuna be gida tam ron̄ avoana huri Roroi Tavuha kunira. Kera ran ron̄ roroi, take ran hav leahi tehe la hala be nu vavtutu, huri be mahavana be ran ron̄oe, ran hav dara tehe aluna la nora binihimwasigi garagusi.

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.