Ravrava non Pol lalai ata Rom 10:10 - Hano Niu Testamen

¹⁰ Tam binihimwasigi garagusi lol irubwida, i tam lol bavtutu mai God. I tam bevea gin bwan̄oda be tam binihimwasigi, i kea haḡea tam rahu.

Ravrava non Pol lalai ata Rom 10:10 ပူးပေါင်းရင်းမြစ်များ

Leo Tavuha gabe Mak nu Ravae 9:23

Jisas mwa bwaliua mwa bevea be, “Uwe, be gom binihimwasigi, ginau duluai nu maron̄ron̄o lalai wani gabe non binihimwasigi garagusi abena.”

Leo Tavuha gabe Luk nu Ravae 8:15

Biri gabe ram hovi lol mwasin tano mwa du huri ira hei gabe ram ron̄ avoana i ram ḡoḡoi ḡoroe gin mwasigi i lolotavuha, i ram du wasigi vaivotu ram bwae.”

Ravrava non Pol lalai ata Rom 10:11

Kunia be avoan sabuga mwa bevea be, “atatu vwate” huribe nu hav dolua tehe lol bwaralolon kera be ira Jius i ira Lolobon̄i. God n̄an gea be nonda God duluai i mwa lai hogoi lalainira gabe ram binihimwasiginia,

Ravrava non Pol lalai ata Rom 10:9

Kebe gov vevea gin bwan̄omwa be, “Jisas kea God,” i kebe gov binihimwasigi lol irubwimwa be God nu lol tomarei mulei Jisas nin mateana, kea gov rahu.

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Filipae 3:9

i bilana. Kadogaha nam bavtutu mai God, nu hav vora te huria be nan huri silo, take bwatuna be nam binihimwasigi garagusi alun Kraes. God mwa haḡo noḡu binihimwasigi garagusi mwa loliau nan bavtutu maia.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 3:12

Kimiu ira tuaku mai ira hogosiku. Giv gitaḡoro be vwate nin kimiu lolona sihav masiri tehe gin binihiv hahantai, i kea sihav binihi te mwasigi God rahu, i kea vi taleva ninia.

1 Jon 4:15

Be ira ihei tehe mwa bevea be Jisas kea Nitun God, kunia God mwa dogo alolora i kera alolon God.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.