Ravrava non Pol lalai ata Rom 1:7 - Hano Niu Testamen

⁷ Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 1:7 ပူးပေါင်းရင်းမြစ်များ

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Jon nu Ravae 20:17

Jisas mwa bevea lalainia be, “Gosav sibweriau tehe, bwatuna be nam hav hae te radu vai aben Tata. Take goi vano huri ira tuaku ba bevea lalainira be nam dabagilu mulei vai abena gabe Tamaḡu i Tamara, noḡu God i nora God.”

Lalaḡova 15:23

i ram horara mai ravrava geki, i mwa bevea alolon ravrava geki be: “Kamai ira hala mai ira bwatmetua, gabe ira tuamiu, gam hora nomai samwarana lalai kimiu ira tuamai gabe gin vora alolon ira Lolobon̄i take kadogaha kimiu ira tuamai gim dogo lol vanua Antiok, Siria, mai Silisia.

Lalaḡova 9:13

Ananias mwa bwaliua mwa bevea be, “Ratahigi, atatu ivusi ram bevea lalaiau huri atatu geki i huri ginau hahantai duluai gabe nu lolia lalai nom sinombu Jerusalem.

Ravrava non Pol lalai ata Rom 1:6

Geki mulei huri kimiu be gim dogo Rom, be God nu uloi kimiu be giv binihimwasigi alun Jisas Kraes.

Ravrava non Pol lalai ata Rom 5:1

Batena be tan vavtutu lolmatan God sivi nonda binihimwasigi, gida tan lol tamwata mai God i geki nu loli sivi nonda Ratahigi Jisas Kraes.

Ravrava non Pol lalai ata Rom 5:5

I doronhohov geki sihav lol te dum lolhoro lalai gida, bwatuna be God nu salil non doroniva be vi vamasiri irubwida. Kea nu lai non doroniva lalai gida sivi non Vui Sabuga, gabe God nu laia lalai gida.

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

Ravrava non Pol lalai ata Rom 8:39

ginau sigai amare la uluda, ginau sigai abeda ata, sa ginau sigai lol ureure duluai be vi harabora dum gida nin lolotabetabe non God be mwa do alolon Kraes Jisas nonda God.

Ravrava non Pol lalai ata Rom 9:25

Kunia be ravrava sabuga mwa bevea lol buka non Hosea be: “Nav vevea be, ‘Kimiu haḡe noḡu sinombu’ lalainira be nan uloinira ‘Vorate noḡu atatu.’ I inau nav vagahi noḡu doroniva lalainira be nam hav doronira tehe.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

1 Korin 16:23

Hogoi non Ratahigi Jisas vi togo maigo.

2 Korin 13:14

Hogoi non nonda Ratahigi Jisas Kraes, tabetabe non God, bulbul tavuha non Vui Sabuga, vi togo mai kimiu duluai.

Kelesia 6:18

Ira tuaku, hogoi non Ratahigi Jisas Kraes vi togo mai nomiu vui. Amen.

Ifisas 1:2

Hogoi i tamwata lalai kimiu nin God Tamanda i nonda Ratahigi Jisas Kraes.

Ifisas 6:23

Tamwata i lolotabetabe lalai kimiu nin God Tata i Ratahigi Jisas Kraes mai binihimwasigi garagusi.

Filipae 1:2

Hogoi i tamwata lalai kimiu nin God tamanda i Ratahigi Jisas Kraes.

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

Filipae 4:20

Uloi roron God Tamanda vai tuai i vai tuai Amen

Filipae 4:23

Hogoi non Ratahigi Jisas Kraes vi togo mai kimiu duluai.

Kolosi 1:2

Lalai ira tuada atat binihimwasigi duluai lol Kraes be ram dogo Kolosi, hogoi i tamwata lalai kimiu nin God tamanda.

Kolosi 3:12

God nu gita luago i mwa loligo i non atat sabuga. Mwa dabego. I kunia gov sagago lol ginau haḡe kerageki: Gov hagav atat dolua, gov tabetabe, lin̄ mulei, sine hagavi, i ron̄ mwan̄ava.

Kolosi 3:15

Gov lin̄ tamwata gabe Kraes mwa laia vi vwalau binihimwa, bwatuna be nu uloi kimiu duluai vai lol rebehi gaituvwa be giv haḡo tamwata. Giv lai avkariana vataha mahavana.

1 Tesalonaeka 1:1

Nin Pol, Sailas, i Timoti. Lalai ira ata lol uloilua Tesalonaeka, i ata lol uloilua non God Tata i Ratahigi Jisas Kraes: Hogoi i tamwata lalai kimiu.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 1:4

Ira tuaku, God mwa dabe kimiu, i gim iloe be nu gita lua kimiu,

1 Tesalonaeka 4:7

God nu hav uloi te gida be tav togo lol vuro, take tav togo melmelo.

1 Tesalonaeka 5:28

Hogoi non nonda Ratahigi Jisas Kraes vi togo mai kimiu.

2 Tesalonaeka 1:2

Hogoi i tamwata lalai kimiu nin God, tamanda i nonda Ratahigi Jisas Kraes.

2 Tesalonaeka 3:16

Kadogaha nam dataro be Ratahigi Tamwata vi lai lalainigo tamwata i la hala duluai Ratahigi vi togo mai kimiu n̄oto.

2 Tesalonaeka 3:18

Nam dataro be hogoi non Ratahigi Jisas Kraes vi togo mai kimiu duluai.

1 Timoti 1:2

Lalai Timoti, kea mwasin nituku lol binihimwasigi garagusi: Hogoi, sine hagavi i tamwata nin God Tata i Kraes Jisas nonda Ratahigi.

1 Timoti 6:2

Ira turin rovoga be nora ratahigi i ira binihimwasigi rasav binihi te marahinira hivhivo huri be kera atat binihimwasigi. Rav lol rovoga lalai nora ratahigi vi tavuha liu, bwatuna be ram bului ira binihimwasigi be ram dabera. Gov vagahi i gov toretore huri ginau kera geki.

2 Timoti 1:2

Lalai Timoti, kea naturigi tabe lalaiau: Hogoi, sine hahagavi i tamwata lalainigo nin God Tata i Kraes Jisas nonda Ratahigi.

2 Timoti 4:22

Ratahigi vi togo mai nom Vui. Hogoi non God vi togo maigo.

Taetas 1:4

Lalai Taetus, mwasin nituku lol binihimwasigi be gam betea. Hogoi tavuhai i tamwata nin God Tata i Kraes Jisas varahuda.

Filimon 1:25

Hogoi non nonda Ratahigi Jisas Kraes vi togo mai kimiu lol nomiu Vui.

Filimon 1:3

Hogoi i tamwata na togo mai kimiu nin God. Tamanda i Ratahigi Jisas Kraes.

Jemes 1:1

Inau Semes atatun rovoga non Ratahigi i Jisas Kraes: Avoan helheloi i mwa bano lalai sinombu non God be ram du vataha ute lol ureure.

1 Pita 1:15

Take giv sabuga lol ginau duluai be gim lolia, kun God n̄ano, kea be nu uloinigo nu sabuga.

1 Jon 3:1

Giv vinihi lolotabetabe non Tata be kea mwa dabe maragai gida. Kea mwa dabe maragai gida i mwa uloi gida be ira nituna. Gida mwasin ira nituna. Take sinombu ata lol ureure geki ram hav iloe tehe be gida ira nitun God, bwatuna be ram hav ilo te God.

2 Jon 1:3

Hogoi, sine hagavi i tamwata non God tata, i nituna, Jisas Kraes vi togo mai gida lol mwasigi i lolotabetabe.

Visirai 2:1

Gov rav noḡu avoana vi vano lalai enjel lol uloilua Ivisas ba bevea be: “Geki noḡu avoana haḡea be nam haḡo visiu gaibitu la mwatuaku, i nam lago lol davolan gaihaḡon bulu gaibitu be gulina kun vatan̄oga.

Visirai 2:12

Gov rav noḡu avoana vi vano lalai enjel lol uloilua Pekamam ba bevea be, “Geki roroi nin wani be non buan bwaloana mamagani be mata daldali.

Visirai 2:18

Gov rav noḡu avoana vi vano lalai enjel lol uloilua Taeatira ba bevea be, “Geki roroi nin Nitun God, gabe matana nu ḡun gabi oda, be bwalagena ataa ran gigita ḡun vatmerameraga be ram man̄ia gin bolis mwa legiga.

Visirai 2:29

Atatu gabe bwerona abena na roron̄tai tavuhai huri havanau gabe Vui mwa bevea lalai uloilua duluai.”

Visirai 2:8

Gov rav noḡu avoana vi vano lalai enjel lol uloilua Smana ba bevea be, “Geki roroi nin wani be kea muana i nogonana, i gabe nu mate i mwa rahu mulei.

Visirai 22:21

Hogoi non Ratahigi Jisas na togo mai kimiu duluai. Amen.

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Visirai 3:22

“Be bweromiu abena, giv roron̄tai huri havanau gabe Vui mwa bevea lalai ira uloilua!”

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.