Ravrava non Pol lalai ata Rom 1:26 - Hano Niu Testamen

²⁶ Bwatuna be sinombu ran lol ginau kerageki, God mwa bisdagai ninira i mwa lin̄ira ram lol ginau busbusi be ram doron be rav lolia. Ira vavine ram lin̄i be ram bulu mai ira atamwani i ram dau bwatuna ram bulu mai ira vavine.

Ravrava non Pol lalai ata Rom 1:26 ပူးပေါင်းရင်းမြစ်များ

Ravrava non Pol lalai ata Rom 1:24

Bwatuna be ram lol ginau kerageki, God mwa lin̄ira i mwa lolira ram huri nora hala vuroga, ram doroni n̄ano be rav lol ginau hantai. Kea haḡea mwa lolira ram buroga gin bwatigoro, ram lol bwarebware rebehira mai tuara dodolua.

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

1 Korin 6:9

Nam bev mwasigi lalai kimiu be atatu ram lalaḡo bahala rasav haḡo te dum houn ute Ratahigi non God. Gosav dadaloiga tehe. Kera gabe ram bulu alun rebehin vavine mai atamwani ram buroga gin bwatigoron lagiana ram ḡogonai nunu buhiga take ram bulbulu alun rebehin lagiana sage ira atamwani gabe ram bol mulei rebehin atamwani dolua ram bulu maia,

Ifisas 4:19

Nora busbusiana duluai nu vano ninira, i ram lalaḡoi rahura be ramen lol ginau hahantai. Ram doron maragai be ramen tu ba lalaḡoi rahurahui ginau hahantai.

Ifisas 5:12

Vain busbusiana haḡea huria be men veveana huri sinombu kera gea be ran lolia dahuligi.

1 Tesalonaeka 4:5

Gisav lol te rebehimiu lol bwatigoro mai vavine i atamwani kun ira len̄len̄aga.

1 Timoti 1:10

Ram bulu lol bwatigoro lol rebehi, be atamwani mai atamwani sa vavine mai vavine, kera be ram surai turin rovoga, kera be ram dentene, kera be ram bev avoan tentene, i ram lol ginau duluai ḡoro silo vagahi mwasigi God.

Ravrava nin Jud 1:10

Take atatu kerageki ram avo la ginau be ram hav iloe tehe. I ginau be ram iloe, gin nora ron̄ova, kun ginau rahu buhiga be ram ilo ginau, kea haḡea ginau be mwa lol bwarebwarera.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.