Ravrava non Pol lalai ata Rom 1:16 - Hano Niu Testamen

¹⁶ Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Ravrava non Pol lalai ata Rom 1:16 ပူးပေါင်းရင်းမြစ်များ

Leo Tavuha gabe Mak nu Ravae 8:38

Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

Leo Tavuha gabe Luk nu Ravae 9:26

Be atatu mwa busbusi giniau mai noḡu silo vagahi kunia mulei inau Nitun Atatu nav busbusi ginia mahavana gabe nav mai lol noḡu ginau sarisari mai non Tata mai nora enjel sabuga.

Leo Tavuha gabe Jon nu Ravae 7:35

Haḡe ira lavoa ata Jius ram bevea mau ginginira be, “Matuke, kea vi van halabehe gea be tasav habwea tehe? Matu kea vi vano vai la bwatutun vanua duluai lol vanua Krik gabe nonda sinombu ram dogo ram bagahira ata Krik?

Lalaḡova 3:26

Haḡe kunia God mwa gita lua non atatun rovoga i mwa horae muana lalai kimiu, be vi vatavuhai kimiu ginia be mwa lol kimiu duluai ihei mwa dabagilu nin vurona sibona.”

Ravrava non Pol lalai ata Rom 10:17

I binihimwasigi garagusi mwa mai ninia be mwa ron̄oana na Roroi Tavuha, i atatu ram ron̄ Roroi Tavuha lol taro be atatu vwate mwa bevea lalainira huri Kraes.

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

Ravrava non Pol lalai ata Rom 15:29

Nam iloe be lol taro be nav mai abemiu nav lai vatavuha non Kraes duluai.

Ravrava non Pol lalai ata Rom 2:9

Vi lai hal hantai i ron̄ḡagarasi lalainira be ram lol hantai lalainira ira Jius i lalainira mulei be ram hav vora te ira Jius.

Ravrava non Pol lalai ata Rom 4:11

Ram dav dovon̄an Ebraham be men lol seserainia be nu vavtutu la lolmatan God sivi binihimwasigi garagusi vuvuri ram siv tav dovon̄ana. Ebraham kea tamara duluai gabe ram binihimwasigi, ta ram hav tav te dovon̄ara, kea tamara atat binihimwasigi duluai gabe ram dame be ran vavtutu la lolmatan God.

1 Korin 15:2

Roroi be nan toretore huria lalai kimiu kea haḡea Roroi Tavuha. Roroi Tavuha geki vi varahugo batena be gom du wasigi aluna. Be sigai, gim binihimwasigi bonogai n̄ano.

1 Korin 2:2

Lol taro be nan togo mai abemiu kimiu nan vinihia be nav avo n̄ano huri Jisas Kraes be ran voha bolvoloe alun volovolo.

1 Korin 2:4

Ira noḡu silo vagahi mai toretore nu hav vora te gin avoana vuroi alun mataisao non atatu be men lol atatu gim matagu take gin mwasigin mataisao be Vui mwa hogoinia.

1 Korin 9:12

Be atat dodolua rav lai tavwe huri kimiu, kamai mulei gav lai tavwe huria, lalai kamai ginau gea nu marahi liu. Take gam hav lolia tehe. Sigai, gam dau n̄oto ginau sibomai, huribe gasav lol te ḡoro atatu vwate nin non binihimwasigi alun Roroi Tavuha non Kraes.

1 Korin 9:18

I hava tavwe haḡea nam laia? Geki haḡea tavweku: lol taro be nam bev lua Roroi Tavuha. Nam hav hudali te tavwe huribe nas lai dum tavwe, take nam hav hudaligi te huria.

2 Korin 2:12

Batena be nan mai vai Troas be nav toretore alun Leo Tavuha huri Kraes, Ratahigi nu lai taro tavuha vwat lalaiau aia.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

2 Korin 9:13

Dovon̄an nomiu binihimwasigi, sinombu ivusi rav vev roroai God bwatuna be kimiu gim ron̄ maḡemu alun Leo Tavuha huri Kraes, Leo Tavuha be gim bevea be gim binihimwasigi i bwatun be gim bete vuroinia maira i mai atat dodolua.

Kelesia 1:7

Mwasigi, Roroi Tavuha mulei vwate sigai. Take atatu rituai ram lolia gim bilen̄alen̄a; ram doronbe ramen leahi Roroi Tavuha non Kraes.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

1 Timoti 1:11

Silo vagahi kea udun Roroi Tavuha non God samsamwara kea nu lai lalaiau be nai vevea.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 1:16

Nam dataro be God vi seserai sine hagavi lalai ira ata lol imwan Onesivoras, kea tagaro nu buluiau i nu hav busbusi tehe be nan togo lol imwa vauvauhi.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Hibru 4:12

Avoana non God ginau rahu, i mwa lol rovoga, kun gabe bua mamagani, take liu nin buan bwaloana gabe mata daldali. I vi van sivigi dum lol ute be binihin atatu mai rahuna mwa bulu aia, kun gabe buan bwaloana mwa ban sivigi lol ute bulbulun hui alolon wain hui. Avoana non God vi lol bavtutui dum ginau n̄oto lol binihin atatu i ginau be atatu mwa doronia.

1 Pita 4:16

Take kebe gom ron̄ ḡagarasi bwatuna be giḡo atatun Kraes, gosav busbusi tehe. Gov uloi roron God bwatuna be gom saga iha gea.