Ravrava non Pol lalai ata Rom 1:14 - Hano Niu Testamen

¹⁴ Noḡu rovoga lalai atatu n̄oto ata Krik i kera be ram hav vora te ata Krik, atat mataisao i kera be ram hav vora te atat mataisaoga.

Ravrava non Pol lalai ata Rom 1:14 ပူးပေါင်းရင်းမြစ်များ

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Leo Tavuha gabe Luk nu Ravae 10:21

Lol mahavan gea Jisas mwa masiri gin samwarana gin Vui Sabuga, i mwa bevea be, “Tata, giḡo Ratahigi ḡoro amare i lol ureure! Nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao. Mwasigi, Tata, geki haḡea halana gon doron be vi loli kunia.”

Lalaḡova 22:21

Ratahigi mwa bevea lalaiau be ‘Vano,’ bwatuna Inau nav horago vai hautu huri ira Lolobon̄i.”

Lalaḡova 28:2

I atatu ata la vanua gea ram ḡita ḡoro tavuhai kamai. Haḡe mahavana be mwa dau bwatuna mwa uhe, ute mwa hohoga, kera ram bal gabi lalai kamai i gam dalainia.

Lalaḡova 28:4

Take mahavana be kera ata lol ute gea ram ḡitae be teltele mwa bivihi liman Pol ram bevea ginginira be, “Sihav vahala tehe, wani geki atat wehi surai. Kea nu rahu lol tahi gaivua huba, take God sihav varahua tehe.”

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Ravrava non Pol lalai ata Rom 1:22

Ram bevea be kera ran mataisaoga, take ram mai gi taltaleana.

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

Ravrava non Pol lalai ata Rom 12:16

Giv togo lol tamwata mai kimiu duluai. Gosav ravwega tehe, ta gov mwemwearu mai atat hivhivo. Gosav vinihi tehe be gon mataisaoga nin atat dodolua.

Ravrava non Pol lalai ata Rom 13:8

Gisav lai te ginau non atatu n̄an vuroi kunia, vaivotu be giv laia gin binihi marahi gingin kimiu, bwatuna be atatu be mwa binihi marahi atat dodolua kea haḡe mwa dabe ira silo duluai.

Ravrava non Pol lalai ata Rom 16:19

Atat binihimwasigi n̄oto ram ron̄oe be gim lol gogonai, i nam ron̄ mwandavuha bwatuna kimiu. Ta nam doron be kimiu giv mataisaoga huri hano be nu tavuha i giv melmelo nin hantai.

Ravrava non Pol lalai ata Rom 8:12

Ira tuaku, ta sav huri te vuroda siboda sa ta sav togo te la rahuanan vuro gabe tam lolia siboda.

1 Korin 14:11

Take be nasav ilo binihiva huri ginau vwate be atat vwate mwa bevea lalainigo, nai vora tausala lalainia, i vi vora tausala lalaiau.

1 Korin 14:16

Be gom avkari God gin nom vui, kera be nora binbinihi sigai, kun hanigi haḡea rav vev dum Amen. Huribe ram len̄ai hano be gom bevea.

1 Korin 2:13

Take avoana n̄oto be tam avo aluna Vui Sabuga non God nu vagahi gida aluna, take mwa hav vora te gin mataisao non atatu vuroi. Take Vui Sabuga n̄an mulei gea mwa bului gida be tam bagahi ginau Sabuga lalai atat Sabuga.

1 Korin 3:18

Gosav taltale te sibomwa! Be gomen vinihia be giḡo haḡea mataisao vai lol ureure geki, take gov lago kun gabe bwaḡele huri be gov mai dumwi gi mataisao mwasigi.

2 Korin 10:12

Gam n̄arin̄ari gam dadarihai kamai sibomai maira be ram binihia sibora be kera muan atatu. Kera sibora ram dadarihainira alura sibora, i ram harahara lalainira sibora be kera kunia. Geki mwa seserainia be ram hav ilo te havanau.

2 Korin 11:19

Kimiu gin mataisaoga, i giv samwara be gimen haḡo alen̄ n̄ava mai daloi!

Kolosi 3:11

Lol rahuan gara ginau vwate nu hav dolua tehe lol davolan ira Lolobon̄i mai ira Jius, kera gabe ran tav dovon̄ara i kera gabe ran hav tav te dovon̄ara, ira tausala sage ira len̄len̄aga, ira turi i ira mwaribwesi. Take Kraes kea lol ginau n̄oto, i Kraes mwa dogo lol ginau duluai.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.