Ravrava non Pol lalai ata Rom 1:13 - Hano Niu Testamen

¹³ Ira tuaku, nam doron be giv iloe be, nan lol taritari vaivusi be nav mai abemiu, take ginau geki mwa hav dumwi tehe. Nam doron be nav mai bwatuna be nav bului kimiu be giv mauri lol vui kunia be nan bului ira vara dagai nin varan Israel.

Ravrava non Pol lalai ata Rom 1:13 ပူးပေါင်းရင်းမြစ်များ

Leo Tavuha gabe Jon nu Ravae 12:24

Nam bev mwasigi lalai kimiu be: birin koni, mwa du be vi hovi lol tano ba mate, bisata vi togo gahena, ta be vi mate vwaina vivora ivusi.

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 4:36

Atatu gabe mwa harahara kea mwa habwe tavwena huria i kea mwa hara ginaganiana huri rahuana vai tuai. Atatu gabe mwa ririvu i wani gabe mwa harahara kera saraḡo raru vi samsamwara.

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Lalaḡova 15:12

Haḡe tatan̄an sinombu gaivua duluai gea ram ron̄ vevurin ginau duluai be Banabas mai Pol ramuru lolia huri tagaro i ginau dan̄an̄a gabe God mwa lolia sivinira lalai ira Lolobon̄i.

Lalaḡova 19:21

Atagun ginau geki be nu loli, Pol mwa binihi tuhi be vi lago sivi Masedonia, Akaea i vi vano vai Jerusalem. Haḡe mwa bevea be, “Ataguna be nai vano aia, mwa du be nav gita vanua Rom mulei.”

Lalaḡova 21:19

Haḡe Pol mwa botui nira i mwa bevuri roron ginau duluai gabe God mwa lolia lalai ira Lolobon̄i sivi non rovoga.

Lalaḡova 28:14

Aia gam habwe ira binihimwasigi rituai i ram hudali kamai be gav togo maira huri wik gaituvwa, i vuvuri gam mai vai Rom.

Ravrava non Pol lalai ata Rom 1:12

Nam binihia be, nam doron be tav bului gida mai binihimwasigi garagusi be tam do maia. Nomiu binihimwasigi garagusi vi buluiau, i noḡu binihimwasigi garagusi vi bului kimiu.

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

Ravrava non Pol lalai ata Rom 7:1

Ira tuaku, kimiu duluai gim ilo tavuhai silo non Moses. I kimiu giv iloe be silo mwa domuai ḡoro sinombu n̄ano lol taro be ram rahu radu.

1 Korin 1:10

Ira tuaku, inau hala non Jisas Kraes, nam navohi kimiu be giv bulgaituvwa huribe harabora vi sigai lol davolamiu. Giv bulgaituvwa mai binihiv gaituvwa lol binihimiu mai alen̄amiu.

1 Korin 10:1

Ira tuaku, nam doronbe giv iloe huri havanau be nu loli lalai ira varada lol taron Moses. Ran lago aten dodo i ran van sivi Tahi Memea.

1 Korin 12:1

Ira tuaku, nam doronbe giv iloe huri hogoi nin Vui Sabuga.

1 Korin 14:20

Ira tuaku, gisav binbinihi tehe kun gabe ira naturigi, lol ginau lete giv vora kun naturigi memea be mwa siv vora be mwa gav ilo te ginau vahala vwate. Take lol binihimwa goi vora kun atat gaivua.

1 Korin 14:26

Ira tuaku, geki haḡea binihivanan hano be nam bevea. Lol taro be gim du bulbulu, atatu vwate nona iboi, i vwate nona silo vagahi. Vwate mwasigi gara nin God. Vwate mwa avo la avoan dodolua. I atatu vi vev binihivanan avoan dodolua. Ginau mutai huri ginau duluai geki be men bului uloilua be vi tu wasigi.

1 Korin 9:2

Be kera rituai rasav dame te maiau kun gabe inau hala vwate, giḡo gov lolia, huribe gom ilo mwasigi be inau hala vwate non Ratahigi.

2 Korin 1:8

Ira tua, gam doron be kimiu giv ilo huri taro ririhai be ram dum kamai Esia. Gam habwea nu marahi liu aia liu tovotovon nomai muramura. Gam derai kaburai nomai doronhohov huri rahuana.

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

Kelesia 3:15

Ira tuaku, tan binbinihi lol binihin atatu: Len̄len̄a lol dameana lol davolan atatu gairua nu dadariha. Ataguna be dameana nu loli mai atatu saraḡo gairua, atatu vwate si hav tu te dum ḡoroe sage bulus ginau vwate vai aluna.

Kelesia 6:18

Ira tuaku, hogoi non Ratahigi Jisas Kraes vi togo mai nomiu vui. Amen.

Filipae 1:22

Be rebehiku vi togo rahurahu, nav lol dum rovoga non Ratahigi. Nam len̄a be nav gita lua havanau rahuana sa mateana.

Filipae 4:17

Mwasigi be barabe hurira be nam doron be nav lai hogoi nin kimiu, take nam doron be kimiu giv lai vatavuha nin nomiu hogoi.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

1 Tesalonaeka 2:18

Gan doron be gav mai vai abemiu. Inau, Pol, nan lol ron̄oe vai vusi, take Setan nu tuḡoroau.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

2 Tesalonaeka 2:7

Muramura dahuligi non atat vuroga mwa lol rovoga huba lol ureure, take atatu vwate mwa duḡoro muramura gea. I kea vi tuḡoro rahurahuinia vaivotu be vi laian lua nin hala.

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.