Ravrava nin Jud 1:20 - Hano Niu Testamen

²⁰ Ira mwasin tuaku, giv haḡo mwasin nomiu binihimwasigi garagusi be vi lol domarei kimiu, giv tataro lol Vui Sabuga.

Ravrava nin Jud 1:20 ပူးပေါင်းရင်းမြစ်များ

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Lalaḡova 6:7

I kunia avoana non God mwa mauri rahurahu. Haḡe tovtovon ira hala gaivua mwa mauri doratora vataha gubwen̄i alun binihimwasigi, lol vanua Jerusalem, i ira tataroi ivusi maragai ram binihimwasigi alun Kraes.

Lalaḡova 9:31

Haḡe kunia uloilua Judia duluai, Kalili mai Samaria ram dogo lol tamwata. Haḡe uloilua mwa mauri doratora gin buluiana non Vui Sabuga, kun gabe mwa dogo gin binihi marahi alun Ratahigi.

Ravrava non Pol lalai ata Rom 15:2

Tav lin̄ gida gaitutuvwai be tav bului ira tuada huria be rav tavuha, be rav tu wasigi lol binihimwasigi garagusi.

Ravrava non Pol lalai ata Rom 8:15

Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Korin 10:23

Atatu rituai ram bevea be, “Gida tav lol dum ginau n̄oto,” take ginau n̄oto nu hav tavuha tehe huri gida be tav lolia. Ram bevea be, “Tav lol dum ginau n̄oto,” take ginau n̄oto ram hav bului te kera dodolua be rav tu wasi.

1 Korin 14:15

Havanau haḡea nav lolia? Nav tataro gin noḡu vui n̄ano? Sigai! Take nav tataro lol binihiḡu mulei. Nav lol iboi gin noḡu Vui, take gin binihiḡu mulei.

1 Korin 14:26

Ira tuaku, geki haḡea binihivanan hano be nam bevea. Lol taro be gim du bulbulu, atatu vwate nona iboi, i vwate nona silo vagahi. Vwate mwasigi gara nin God. Vwate mwa avo la avoan dodolua. I atatu vi vev binihivanan avoan dodolua. Ginau mutai huri ginau duluai geki be men bului uloilua be vi tu wasigi.

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Ifisas 4:16

Rebehi duluai mwa du alun Kraes, i ira mavuvun rebehi duluai ram dari i ram bulbulu n̄an utegaituvwa. Vataha mavuvu duluai mwa lalaḡoi mwasin non rovoga be men lol rebehi duluai be vi mauri wasi mai lolotabetabe.”

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

Kolosi 2:7

Giv tau bwatbwatumiu vi roro aluna i giv lol rahumiu vi mauri aluna. Giv tu wasi lol binihimwasigi garagusi, kun be gin lai silo vagahina, i giv masiri gin tabeana.

1 Tesalonaeka 5:11

Haḡe giv turatura kimiu gaitutuvwai i giv hagai muramura lalai kimiu gaitutuvwai, kunia kebe gim lolia kadogaha.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

2 Timoti 1:5

Nam binihi dum nom binihimwasigi garagusi be nu mwasigi. Binihimwasigi garagusi gea nu togo muana lol tuagamwa Lois i lol ratahimwa Iunis, i nam iloe be giḡo kadogaha gom do mai binihimwasigi gea.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Jemes 2:22

Haḡe gom iloe be binihimwasigi garagusi non Ebraham mai ginau duluai be mwa lolia ram lol rovoga utegaituvwa n̄ano. Non binihimwasigi garagusi nu melmelo gin havanau be nu lolia.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

1 Jon 5:4

Ira nitun God duluai ram muramura nin kalkaliana, i nonda binihimwasigi garagusi haḡea be mwa lai muramura geki lalai gida.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.

Visirai 13:10

Ihei tehe gabe mwa binihia be vi vwirihiana vai lol gao vauvauhi, na vwirihiana vai lol gao vauvauhi; i ihei tehe gabe mwa binihia be vi mate gin buan bwaloana, vi mate gin buan bwaloana. Kimiu atatu non God, bwatuna gea giv tu wasigi, i nomiu binihimwasigi garagusi vi tu wasigi alun God.”