Ravrava nin Jud 1:1 - Hano Niu Testamen

¹ Nin Jud atatun rovoga non Jisas Kraes i tuan Semes. Lalai atatu duluai be God nu Uloinira. God Tata nu tabe kimiu, i kimiu gin rahu lol Jisas Kraes:

Ravrava nin Jud 1:1 ပူးပေါင်းရင်းမြစ်များ

Matiu 10:3

mulei Vilip mai Batolomiu, Tomas i Matiu, kea gabe harahara homu, Semes gabe nitun Alvius mai Tadias,

Matiu 13:55

Matu mwa hav vora te kea nitun atatun vohavoha imwa, i ratahina Mere, i ira tuana Semes i Joses, Saemon i Judas?

Leo Tavuha gabe Mak nu Ravae 3:18

Andru, Vilip, Batolomiu, Matiu, Tomas, Semes nitun Alvius, Tadeas, Saimon kea gabe Patriot ninira vatugigi gabe ram barihainira ata Rom,

Leo Tavuha gabe Mak nu Ravae 6:3

Mwa hav vora te kea atatun vohavoha imwa gabe nitun Mere, ira tuana gabe Semes, Josep, Judas mai Saimon? Ira hogosina gabe ram du teti?” Haḡe kera ram barihainia.

Leo Tavuha gabe Luk nu Ravae 6:16

Judas gabe nitun Semes, mai Judas Iskariot, kea gabe nu sine Jisas.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 14:22

Judas (mwa hav vora te Judas Iskariot) mwa bevea lalainia be, “Ratahigi, kunhanigi be gov lol bisirainigo sibomwa n̄an lalai kamai take sihav vora te lalai ureure?”

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Leo Tavuha gabe Jon nu Ravae 17:15

Nam hav hudalinigo tehe be gov lai luara nin ureure, take nam hudalinigo higea be gov lai luara nin liman Setan.

Leo Tavuha gabe Jon nu Ravae 17:17

Gov lolira be rav vora nomwa, be rav tu huri mwasigi; nom avoana haḡea mwasigi.

Leo Tavuha gabe Jon nu Ravae 17:19

Nam lin̄iau siboku lalainigo bwatuna kera, huribe kera mulei, mwa du be rav lin̄ira sibora lalainigo.”

Leo Tavuha gabe Jon nu Ravae 6:39

I doroniva non wani be nu horau be nasav lin̄ te vwate ninira gabe nu laira lalaiau, take be nav lol domarei muleinira vai lol rahuana lol nogonan gubwen̄i.

Lalaḡova 1:13

I kera ram haroro Jerusalem i ram hae lol vwavwan imwa amare i ram dogo aia, Pita, Jon, Semes mai Andru, Vilip mai Tomas, Batolomiu mai Matiu, Semes nitun Alvius, Saimon gabe ata lol tatan̄ana gabe ram doron be rav goro dagai ata Rom mai Judas gabe nitun Semes.

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

Lalaḡova 27:23

Bwatuna be kahabon̄i enjel non God be nu horau i nam ḡogonai nia nu visirai abeku,

Ravrava non Pol lalai ata Rom 1:1

Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

Ravrava non Pol lalai ata Rom 1:6

Geki mulei huri kimiu be gim dogo Rom, be God nu uloi kimiu be giv binihimwasigi alun Jisas Kraes.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

Ravrava non Pol lalai ata Rom 8:30

God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

Ravrava non Pol lalai ata Rom 9:24

i gida haḡea sinombu be God nu uloi gida. Nu hav uloi te gida n̄an nin ira Jius take nu uloinira Lolobon̄i mulei.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

2 Timoti 4:18

God vi varahuau lol taro be ihei mwa doronia be vi lol ḡagarasiau, i vi lai rahurahuiau vai lol non Ute Ratahigi amare. Uloi roroi God vai tuai i vai tuai! Amen.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Jemes 1:1

Inau Semes atatun rovoga non Ratahigi i Jisas Kraes: Avoan helheloi i mwa bano lalai sinombu non God be ram du vataha ute lol ureure.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

Ravrava nin Jud 1:21

Giv togo lol lolotabetabe non God, lol taro be gom hohovi huri sine hagavi non Ratahigi Jisas Kraes mai non Vui be vi lai rahuana lalainigo vai tuai.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.