Leo Tavuha gabe Mak nu Ravae 9:31 - Hano Niu Testamen

³¹ bwatun be mwa bagahira non roron̄tai mwa bevea be, “Nitun Atatu vi lin̄ia lalai sinombu i kera rav wehi bamatea. Atagun gubwen̄ gaitolu vi tomare mulei vai lol rahuana.”

Leo Tavuha gabe Mak nu Ravae 9:31 ပူးပေါင်းရင်းမြစ်များ

Matiu 16:21

Nin mahavana gea Jisas mwa dau bwatuna mwa bev luae lalai non roron̄tai be, “Mwa du be nav hae vai Jerusalem, i nav ron̄ḡagarasi maragai gin hano be ira bwatmetua ira Jius maira muai tataroi maira vagahin Silo rav lolia aluku. Kera rai wehiau, nai mate. Itake atagun gubwen̄ gaitolu God vi lol domarei muleiau.”

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 26:2

“Gim iloe be atagun gubwen̄ gairua vi vora samsamwaran Halbisḡalau. Haḡe vi lin̄iau Nitun Atatu be rav vohau vai alun volovolo.”

Matiu 27:63

i ram bevea be, “Ratahigi, gam binihi dumwia be atat tentene uhu lol gubwen̄ rahuna nu vevea be, ‘Nav tomare mulei vai lol rahuana atagun gubwen̄ gaitolu.’

Leo Tavuha gabe Mak nu Ravae 10:34

i kera rav lol leileia, rav lodovia, rav vivilisia i rav wehi bamatea; take atagun gubwen̄ gaitolu kea vi tomare mulei vai lol rahuana.”

Leo Tavuha gabe Mak nu Ravae 8:31

Haḡe Jisas mwa bavora mwa bagahira non roron̄tai mwa bevea be, “Nitun Atatu vi ron̄ ḡagarasi maragai, ira bwatmetua maira muai tataroi maira vagahin Silo rav varihainia. Kera rav vevegia huri mateana, ta atagun gubwen̄ gaitolu kea vi tomare mulei vai lol rahuana.”

Leo Tavuha gabe Mak nu Ravae 9:12

Kea mwa bwaliura mwa bevea be, “Elaija mwasigi vi mai amua be men lol vatuvwai ginau duluai. Take huri hano ravrava sabuga mwa bevea be, Nitun Atatu vi ron̄ḡagarasi gaivua i rai varihainia?

Leo Tavuha gabe Luk nu Ravae 24:26

Matuke nu hav maron̄ron̄o te lalai Kraes wani Vurai be men ron̄ḡagarasi alun ginau kera geki i gim haroro lol sarisarina?”

Leo Tavuha gabe Luk nu Ravae 9:44

“Giv havan̄ bweromiu ba lai ḡoḡo hano be nai vevea! Mwa abena be vi lin̄iau inau Nitun Atatu vai lol limara atatu.”

Leo Tavuha gabe Jon nu Ravae 10:18

Atat vwate sihav lai te dagai rahuku niniau. Nam lin̄ia la noḡu binihiva mau. Noḡu mahaḡea be nav lin̄ia, i noḡu mahaḡea be nav lai muleinia. Geki ginau be Tamaḡu nu vevea lalaiau be nav lolia.”

Leo Tavuha gabe Jon nu Ravae 2:19

Jisas mwa bwaliura be, “Nav salan̄ai Imwa Tataro geki, i atagun gubwen̄ gaitolu nav haḡo domarei muleinia.”

Leo Tavuha gabe Jon nu Ravae 3:14

Kun tuai Moses lol vanua vuroi, nu haḡo domarei nunun teltele gabe ran lolia gin vatmerameraga la gai, kunia mulei inau Nitun Atatu rav haḡo domareiau la gai,

2 Timoti 2:12

Be tav mahin̄a ḡoro ron̄ ḡagarasi, gida mulei tav gitaḡoro bul maia. Be tav visigai ḡoroe, Kea mulei vi varihai be vi dame ḡoro gida.