Leo Tavuha gabe Mak nu Ravae 8:38 - Hano Niu Testamen

³⁸ Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

Leo Tavuha gabe Mak nu Ravae 8:38 ပူးပေါင်းရင်းမြစ်များ

Matiu 12:39

Take Jisas mwa bwaliura be, “Kimiu ata lol gubwen̄ garigi ira mwasin atat taltale, i God sigai alolomiu! Gim doron dovon̄a niniau. Take nasav lol te dovon̄a. Nomiu dovon̄a kea gabe atatun vevsera Jona nu lolia.

Matiu 13:41

Inau Nitun Atatu nav hora noḡu enjel rav lai luara duluai gabe ram hav tabeau tehe kun nora Ratahigi, kera gabe ram lol atatu ram buroga, i kera gabe ram lalaḡo hantai,

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 16:4

Kimiu ata lol gubwen̄i garigi be gim doron be giv gita dovon̄a, kimiu ira atat hahantai, gabe gim daleva nin God! Gim hudaliau huri dovon̄a? Sigai! Dovon̄a vi laia lalai kimiu kea n̄an gabe nu loli lalai Jona, atatun vevsera.” Haḡe Jisas mwa derainira, mwa ban dagai.

Matiu 24:30

Haḡe dovon̄a huriau Nitun Atatu vi visirai lol mahao, i varan sinombu duluai lol ureure rav mwaḡuruḡuru i rav gitau Nitun Atatu nav mai alun ten lan̄i mai roron̄o i sarisari gaivua.

Matiu 25:31

“La mahavana be inau Nitun Atatu nav mai mulei kun gabe Ratahigi Lavoa maira enjel duluai bul maiau, inau nav togo alun tanon togotogon lavoa,

Matiu 26:64

Jisas mwa bevea lalainia be, “Gom bevea haḡea. Ta nam bev mwasigi lalai kimiu be, nin kekadogaha giv gitau Nitun Atatu nav togo la mwatuan Mwasin Roron̄o, i nav mai alun ten lan̄i lol ute atamare.”

Matiu 8:20

Haḡe Jisas mwa bwaliua be, “Vwiriu turu malan̄ara abena, i manu mulei inogira abena. Itake inau Nitun Atatu tanoḡu nu sigai huri maturuva sa mabuana.”

Leo Tavuha gabe Mak nu Ravae 13:26

Lol mahavan gea inau Nitun Atatu nai visirai lol tenlan̄i mai muramura i sarisari.

Leo Tavuha gabe Mak nu Ravae 14:62

Jisas mwa bwaliua mwa bevea be, “Inau haḡea giv gita, inau nitun atatu nav togo la mwatuan mwasin roron̄o, i nav mai alun ten lan̄i lol ute atamare!”

Leo Tavuha gabe Mak nu Ravae 8:37

Ginau sigai be atatu vi lai dumwia be vi lai mulei rahuna.

Leo Tavuha gabe Luk nu Ravae 19:26

Take mwa bwaliura be, ‘Nam bev lalai kimiu be, lalai ira hei gabe ran laia huba vi mom laiana liu lalainira; take lalainia gabe mwa hav haḡoe tehe gaituvwa n̄an be mwa haḡo tirigi ta vi laian dagai ninia.

Leo Tavuha gabe Luk nu Ravae 9:26

Be atatu mwa busbusi giniau mai noḡu silo vagahi kunia mulei inau Nitun Atatu nav busbusi ginia mahavana gabe nav mai lol noḡu ginau sarisari mai non Tata mai nora enjel sabuga.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 1:51

I kea mwa bevea lalainira be, “Nam bev mwasigi lalai kimiu be: giv gita mahao vi mahavan̄i i ira enjel non God rav hae i rav himai aluku, inau Nitun Atatu.”

Leo Tavuha gabe Jon nu Ravae 12:34

Haḡe sinombu ram bwaliua be, “Nonda Silo mwa bevea lalai gida be Kraes vi togo vai tuai. Kunhanigi be gim bevea be vi lol domarei Nitun Atatu? Ihei geki be Nitun Atatu?”

Leo Tavuha gabe Jon nu Ravae 5:27

I kea nu lai lalaiau roron̄o, be nav vevegi bwatuna be inau Nitun Atatu.

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Ravrava non Pol lalai ata Rom 1:16

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Kelesia 6:14

Nam ilo be nasav sagesagerega tehe huri ginau kunia. Volovolo non Jisas kea n̄ano be mwa lolia nam av sagesagerega. Sivi volovolo non Jisas Kraes, noḡu Ureure mwa boha bolvoloana, i nam mate lalai Ureure.

1 Tesalonaeka 2:19

Kimiu haḡea nomai doronhohov, nomai samwarana, i gai sosorin bwatu be gav ḡariḡari kamai alolona batena be nonda Ratahigi Jisas Kraes vi mai.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

2 Timoti 1:16

Nam dataro be God vi seserai sine hagavi lalai ira ata lol imwan Onesivoras, kea tagaro nu buluiau i nu hav busbusi tehe be nan togo lol imwa vauvauhi.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Hibru 11:16

Kera gea ram doron ute dolua vwate gi tanora gabe nu tavuha liu, i ute lol ute atamare n̄ano. I huria gea busbusiana sigai mai God, huria be kera ram bevea be kea nora God, huria be God mwa lol dautau bwatutun vanua vwate huba huria.

Hibru 11:26

Nu ḡunia n̄ano be nu vevea be, be kera ras manuhi Wani Vurai gabe God vi horae vi himai, ta kea sihav busbusi tehe. Kea mwa ron̄ mwa davuha maragai alun ginau gea, ninia be mwa ron̄ mwandavuha gin ginau tavuha alun rahuana lol vanua Ijip. Kea mwa ron̄oe kunia huria be kea mwa ḡitae tagaro alun tavwe be God vi laia lalainia.

Hibru 13:13

Kunia mulei gida tav hiv avare dagai nin bwatutun vanua i tav bete la non busbusiana.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

Visirai 14:10

vi mwin waen non God sibona, waen huri non lol horo, gabe kea mwa salilia alun muramura liu vai alolon lahan non lolhoro! Kera gabe rai mwin waen gea rav ron̄ ḡagarasi maragai gin gabi i salva la lolmatan ira enjel sabuga mai nitui Sipsip.