Leo Tavuha gabe Mak nu Ravae 8:35 - Hano Niu Testamen

³⁵ Huri be ihei mwa doron be vi varahu rahuna sibona, wani gea vi lin̄ rahuna i ihei be mwa lin̄ rahuna huriau mai leo tavuha, vi varahua.

Leo Tavuha gabe Mak nu Ravae 8:35 ပူးပေါင်းရင်းမြစ်များ

Matiu 10:22

Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 10:39

Ihei tehe be mwa sinsinei rahuna, rahuna vi vano ninia. Take ihei gabe mwa lin̄ rahuna huriau, vi habwe rahuana.

Matiu 16:25

Huri be ihei mwa doron be vi varahu rahuna sibona, wani gea vi lin̄ kaburai rahuna. I ihei be mwa lin̄ rahuna huriau, vi habwea.

Matiu 19:29

I mulei kera gabe ram derai imwara, sa ira tuara, sa ira hogosira, sa ira tamara sa ira ratahira, sa ira nitura, sa ira bilara talu huriau, kera gea rav lai liu vavudolua. I rav haḡo rahuana vai tuai.

Leo Tavuha gabe Mak nu Ravae 8:36

Matu be atatu si lai dum ginau duluai lol ureure geki bwatuna kea nu lin̄ kaburai rahuna huria, kea vi lai dum havanau ninia? Sigai!

Leo Tavuha gabe Luk nu Ravae 17:33

Ihei mwa lol ron̄oe be vi varahu rahuna sibona vi mate; haḡe ta be ihei mwa lin̄ rahuna huri mateana vi varahua.

Leo Tavuha gabe Luk nu Ravae 9:24

Be ihei mwa doron be vi varahu rahuna sibona, wani gea vi lin̄ kaburai rahuna huriau, vi habwea.

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 21:13

Take mwa bwaliura be, “Gim lol havanau, gim haharigi i gim lol hantai irubwiku? Nam lin̄ muleiau siboku, mwa hav vora te huria be ramen vauhiau Jerusalem, take huri be namen mate aia la ihan Ratahigi Jisas.”

Lalaḡova 9:16

I inau siboku nav seserai lalainia ginau duluai be kea vi ron̄ ḡagarasi ginia huriau.”

1 Korin 9:23

Nam lolia kunia huribe gin Roroi Tavuha nav lai udun non vatavuha.

2 Korin 12:10

Haḡe nam samsamwara be nav sasagerega huri noḡu mandamanda, ram av leileiau ram lai taro ririhai lalaiau, nam ron̄ḡagarasi, i lalan̄an taro ririhai huri Kraes. Bwatuna be batena be nam mandamanda, vuvuri nam wasi mwasigi.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Hibru 11:35

I bwatuna be vavine rituai ram binihimwasigi garagusi alun God, bwatuna gea God mwa lol barahu mulei nitura be ram mate huba. Take atatu rituai ram barihai didi maribwesi, i ram lin̄ nora ivwalu ram lol ḡagarasira maragai lol rebehira, ram mate lol rahuan tavuha.

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 7:14

“Nam bwaliua be, ratahigi nam hav iloe tehe, giḡo gom iloe.” Kea mwa bevea lalaiau be, “Geki haḡea sinombu gabe ran ron̄ ḡagarasi i ram wehira huri nora binihimwasigi. Mwa bwaga melmeloinira gin dagan nitui sipsip.