Leo Tavuha gabe Mak nu Ravae 4:22 - Hano Niu Testamen

²² Ginau mwa hav hili te hohoigi be mwa hili ta vi seseraiana radu, ginau gabe mwa do dahuligi vi visirai lol gigita.

Leo Tavuha gabe Mak nu Ravae 4:22 ပူးပေါင်းရင်းမြစ်များ

Leo Tavuha gabe Luk nu Ravae 8:17

“Havanau tehe mwa dahuliana vi lai bisirainia lol ute melmelo, i havanau tehe mwa hoḡoi ḡoroana, vi habweana i vi laiana vai lol gigita.”

Lalaḡova 20:27

Huri be nam hav sigi te dum ginau vwate gin kimiu gabe mwa du be nai vevea, take nav seserai ginau duluai gabe God mwa doronia.

Lalaḡova 4:20

Huri be garu sihav lin̄i tehe be garu vi avo huri havanau be gamuru ḡitae i gamuru ron̄oe.”

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.