Leo Tavuha gabe Mak nu Ravae 4:15 - Hano Niu Testamen

¹⁵ Atatu rituai ran ḡun biri gabe ram hovi la hala; batena gabe ram ron̄ avoana, Setan mwa mai mwa lai dagainia.

Leo Tavuha gabe Mak nu Ravae 4:15 ပူးပေါင်းရင်းမြစ်များ

Matiu 13:19

Kera gabe ram ron̄ avoana huri be God vi vora Ratahigi lavoa ḡoro atatu duluai, take ram hav ilo te binihiva huria, ram ḡun biri be nu hovi la hala. Vui hantai vi mai, vi rais dagai hano nu gaburaiana alolora.

Matiu 22:5

Ta kera be nu warera ram hav lai te binbinihi huria. Ram bano huri halara be ram binihia, vwate mwa bano lol bilan ute loloara, i vwate vai lol non sitoa.

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Leo Tavuha gabe Mak nu Ravae 4:14

Atatu mwa gaburai biri mwa riv avoana non God.

Leo Tavuha gabe Mak nu Ravae 4:16

Atatu rituai ran ḡun biri gabe ram hovi la ulun vatu gabe tano tirigi aluna, mwa du huri ira hei ram lai avoana gin samsamwara lol mahavana be ram ron̄oe.

Leo Tavuha gabe Mak nu Ravae 4:4

Mahavana gabe mwa ḡaburai biri lol talu, tavaluna ram hovi la hala, manu ram mai ram ḡan kaburainira.

Leo Tavuha gabe Luk nu Ravae 8:12

Biri gabe ram hovi la hala mwa du hurira gabe ram ron̄oe, take vui hantai mwa mai mwa lai dagai avoana nin lolora huri be bereva ram binihimasigi ba rahu.

Lalaḡova 17:32

I ram ron̄oe be Pol mwa avo huri tomarean mulei, kunia atatu rituai ram lolia n̄an gi sovu, take atatu rituai ram bevea be, “Gam doron be gov avo alun geki mulei.”

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

2 Korin 2:11

Nam lolia kunia be Setan sihav surai te dum havanau vwate nin kamai, bwatun be gam ilo tavuhai taritari non Setan duluai.

2 Tesalonaeka 2:9

Atatun vui son̄son̄o gea vi mai gin muramura non Setan. Kea vi muramuraga i kea vi lol ginau dan̄an̄a tentene ivusi, ira dovon̄a, i ginau dan̄an̄a.

Hibru 12:16

Giv gita ḡoro tavuhai be vwate nin kimiu sihav vora te kun Iso, be rahuna nu hav vavtutu tehe, i mwa hav vinihi te dum God mulei. I kea mwa salei non tanon tuagai mai non roso. Take volin non tanon tuagai mai roso duluai gina ganiana n̄an vuroi, be kea nu gania vatuvwa mamaha.

Hibru 2:1

Gida tav tari nonda butuana duluai alun havanau be mwa bevea lalai gida, huri be tasav sala tehe.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.

Visirai 20:7

I atagun taul vasan̄vulu, rav ribwesi Setan nin gao vauvauhi.