Leo Tavuha gabe Mak nu Ravae 2:17 - Hano Niu Testamen

¹⁷ Haḡe Jisas mwa ron̄ dum nora avoana, mwa bevea lalainira be, “Kera gabe rebehira harova sigai alura ram hav doron te dokta. Itake kera n̄an be ram haro kera higea ram doronia. Inau nam hav mai te be namen uloi ira vavtutu take ira vev duli.”

Leo Tavuha gabe Mak nu Ravae 2:17 ပူးပေါင်းရင်းမြစ်များ

Matiu 18:10

“Giv gitaḡoro be gisav vev te kaburai ihei ninira naturirigi kera geki. Nam bev mwasigi lalai kimiu be nora enjel amare ram du tagaro lolmatan Tamaḡu lol ute atamare.

Leo Tavuha gabe Luk nu Ravae 15:10

La hala n̄an kunia nam bevea lalai kimiu be, ira enjel non God ram samsamwara huri atat vuroga vwate gabe mwa binihi leahi.”

Leo Tavuha gabe Luk nu Ravae 15:29

Take mwa bwaliu tamana mwa bevea be, ‘Gita huri taul ivusi huba nan lol rovoga kun turin rovoga lalainigo nan hav daha te silomwa vwate. Gon lai te hano n̄an lalaiau? Gom hav lol te ginau gaituvwa huriau vaivotu be gom hav wehi te nanikot n̄an vwate be namen gania mai noḡu buluana duluai!

Leo Tavuha gabe Luk nu Ravae 15:7

La hala n̄an kea nam bevea lalai kimiu be, vi vora samwarana gaivua lol ute atamare huri atat vuroga vwate gabe nu sala i mwa binihi leahi dagai ninira atat tavuha n̄avul gaisivo domwan gaisivo gabe ginau sigai be vi lolira rav binihi leahi.”

Leo Tavuha gabe Luk nu Ravae 16:15

Jisas mwa bevea lalainira be, “Kimiu haḡea atatu gabe gim lol kimiu sibomiu kun be atat vatutu la lolmatan atatu duluai, take God mwa ilo nomiu binihiva duluai lol lolomiu. Huri havanau tehe be ran marahi lol binihiva non atatu kea ginau vuroi n̄an la lolmatan God.”

Leo Tavuha gabe Luk nu Ravae 19:10

Bwatuna higea Nitun Atatu nu mai be men hiḡe i be men varahura gabe ran sala.”

Leo Tavuha gabe Jon nu Ravae 9:34

Haḡe ram bwaliu muleinia be, “Giḡo gon vora i gom mauri hae lol vuro i kadogaha gom lol ron̄oe be gomen vagahi kamai?” Haḡe ram dau dagainia nin imwa tataro.

Leo Tavuha gabe Jon nu Ravae 9:40

Haḡe ira Varise rituai gabe ran tu aia bul maia ran ron̄oe be mwa bevea kun geki ram hudalinia ram bevea be, “Matu kamai mulei gai matagaraga, mwasigi?”

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 26:20

Muana Damaskas mai Jerusalem i la vanua Judia duluai mai ira Lolobon̄i, nan toretore be rav binihi leahi nin vurora i rav tabagilu huri God i rav lol ginau be vi gigilainia be rav vinihi leahi.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.