Leo Tavuha gabe Mak nu Ravae 2:16 - Hano Niu Testamen

¹⁶ Ira vagahin Silo rituai gabe ira Varise, ram ḡitae be Jisas mwa ḡan ginau maira vev duli i ira harahara homu, haḡe ram hudali non roron̄tai ram bevea be, “Huri hano mwa ḡan ginau mai atatu kunira gea?”

Leo Tavuha gabe Mak nu Ravae 2:16 ပူးပေါင်းရင်းမြစ်များ

Matiu 18:17

Ta be mwa hav ron̄ora te radu, kadogaha vi seseraiana lalai Uloilua. Ataguna gea, be mwa hav ron̄ te Uloilua, gov lolia kun gabe kea len̄len̄aga sage harahara homu.

Matiu 5:46

Matu ke huri hano gim do gi binihia be God vi tavwe kimiu huria be gim dabe atatu n̄ano gabe ram dabe kimiu? Ira harahara homu mulei ram lolia kunia.

Matiu 9:11

Ira Varise ram ḡitae, haḡe ram hudalinira non roron̄tai be, “Huri hano nomiu vagahi mwa ḡan ginau utegaituvwa maira vev duli?”

Leo Tavuha gabe Mak nu Ravae 2:15

Ataguna gea Jisas mwa ḡan ginau la imwan Livae. Ira atatun harahara homu maira vev duli ivusi ram mai ram dogo mai Jisas mai non roron̄tai.

Leo Tavuha gabe Mak nu Ravae 2:7

“Huri hano wani uhu mwa avo kungeki? Geki avoan deḡeteḡe! Atatu sihav tugu te dum kaburai vuro, God gaituvwa n̄an vi binihi kaburai dum vuro!”

Leo Tavuha gabe Luk nu Ravae 18:11

Varise mwa du hautu dagai gahena mwa dataro kungeki be, “Nam avkarigo God, huri be nam hav vora te bugurana, sa nam hav binihi te mamarai atatu, sa nam hav vuroga te mai vavine kun atat dodolua. Nam avkarigo huri be nam hav vora te kun atatun harahara homu kahaḡa.

Leo Tavuha gabe Luk nu Ravae 19:10

Bwatuna higea Nitun Atatu nu mai be men hiḡe i be men varahura gabe ran sala.”

Leo Tavuha gabe Luk nu Ravae 19:7

Mahavana be sinombu ram ḡitae ram bavora ram biavoavo ginira ram bevea be, “Atatu uhu mwa ban gi tausala lol imwan atat vuroga!”

Leo Tavuha gabe Luk nu Ravae 5:30

Gita ira Varise mai ira vagahin Silo rituai ram mai nin nora vatugigi ram ḡurutuinia be, “Huri hano gim ḡan ginau i gim mwin bul maira harahara homu maira vev duli?”

Lalaḡova 23:9

Haḡe batoana i haharigiana i batoana mwa hae amare, i ira vagahin Silo rituai gabe ram huri tatan̄ana non ira Varise ram du amare ram bev lua didini nia be: “Gasav habwe te dum vahalana alun wani geki! Bisata vui sage enjel vwate mwa avo lalainia!”

1 Korin 2:15

Atatu n̄ano be nu masiri gin Vui kea vi vevegi dum ginau duluai, take atatu vwate sihav vevegi te dumwia.

Hibru 12:3

Nu tavuha be kimiu giv vinihi dum taro ririhai duluai be nu dumwia, gabe ira tomuai lete ran tomare ram ban burigainia. I kunia nomiu binihiva si hav hovi tehe take giv tu wasigi lol nomiu binihimwasigi garagusi.