Leo Tavuha gabe Mak nu Ravae 16:18 - Hano Niu Testamen

¹⁸ be ras haḡo domarei teltel gagasi sa ras mwin wai hantai, sihav lol te hantai dumwira, rav tau limara alun ira harova, kera rav rahu.”

Leo Tavuha gabe Mak nu Ravae 16:18 ပူးပေါင်းရင်းမြစ်များ

Leo Tavuha gabe Mak nu Ravae 5:23

mwa hudalinia gin binihimarahi be, “Nituku vavine tirigi mwa haro maragai. Nam hudali maragainigo huria be gov tau limwamwa aluna, i kea vi rahu i vi togo mulei!”

Leo Tavuha gabe Luk nu Ravae 10:19

Giv roron̄taiau! Nan lai lalai kimiu roron̄o, huri be giv varahi teltele mai bwan̄seresere, i giv muramura ḡoro nomiu ivwalu, i ginau vwate sihav lol te ḡagaras kimiu.

Lalaḡova 19:12

Vaivotu be susuru gabe mwa man̄ lolmatana ginia i gaisagana be mwa sagae lol taron rovoga, ram laia ram sibweri ira harova ginia i harova ram nogo ninira, i vui hantai mulei ram mwalue ninira.

Lalaḡova 3:12

Mahavana be Pita mwa ḡita sinombu, mwa bevea lalainira be, “Kimiu ira Jius, huri hano be gin dan̄an̄a huri ginau geki, i gim ḡita mamaragai kamaru? Matu gim binihia be gamuru lol ginau geki gin nomaru muramura sage nomaru roron̄o sibomaru, gamuru lol wani geki mwa lago.

Lalaḡova 3:16

Geki Haḡea muramura ata lol ihan Jisas gabe mwa lai muramura lalai luḡu geki. I havanau gabe gim ḡitae i gim iloe mwa loli gin binihimwasigi garagusi lol ihana, gin binihimwasigi garagusi alun Jisas n̄ano be mwa lolia mwa rahu kun gabe gim ḡitae kadogaha.”

Lalaḡova 4:10

kunia mwa du be kimiu duluai gis iloe, i sinombu duluai ira Jius ras iloe be wani geki mwa du lol matamiu mwa rahu didinigi sivi muramura gin ihan Jisas Kraes ata Nasaret gabe gi voha bolvoloe i kea God nu lol domareinia nin mateana.

Lalaḡova 4:22

Wani gabe nu lol tagaro geki lalainira tauluna kun n̄avul gaivasi.

Lalaḡova 4:30

Gov sogai lua limwamwa ba barahu, i gam dataro be tagaro i ginau dan̄an̄a vi dumwi gin liman nom atatun rovoga Jisas.”

Lalaḡova 9:34

Haḡe Pita mwa uloinia mwa bevea be, “Aeneas, Jisas Kraes mwa barahugo. Tomare ba lol tavuhai niniamwa.” Haḡe Aeneas mwa domare darihou.

Ravrava non Pol lalai ata Rom 16:20

God gabe nu lai tamwata i si hav vora te n̄ava, kea vi raharahai ḡalau Setan aten bwalageda. Hogoi tavuha non Ratahigi God Vui Sabuga vi togo mai kimiu.

1 Korin 12:9

Vui Sabuga n̄an gea mwa lai binihimwasigi garagusi lalai atat dolua. I lalai atat dolua, Vui Sabuga mwa laia huribe vi varahu atatu.