Leo Tavuha gabe Mak nu Ravae 16:17 - Hano Niu Testamen

¹⁷ Kera gabe ram binihimwasigi vi lai roron̄o lalainira be rav lol ginau dan̄an̄a ivusi; rav goro lua vui hantai ivusi lol ihaku; rav avo gin avoan dodolua;

Leo Tavuha gabe Mak nu Ravae 16:17 ပူးပေါင်းရင်းမြစ်များ

Leo Tavuha gabe Mak nu Ravae 9:38

Haḡe Jon mwa bevea lalai Jisas be, “Vagahi, gam ḡita atatu vwate nu hora lua vui hantai lol ihamwa, i gam du ḡoroe be sihav lol te lalaḡova gea, bwatuna kea mwa hav vora te bul mai gida.”

Leo Tavuha gabe Luk nu Ravae 10:17

Ira n̄avul gaibitu domwan gairua ram dabagilu gin samsamwara gaivua. Ram bevea be, “Ratahigi, vui hantai ram ron̄ silomai batena gam borotainira lol ihamwa!”

Leo Tavuha gabe Jon nu Ravae 14:12

Nam bev mwasigi lalai kimiu be: ihei tehe mwa binihimwasigiau vi lol dum havanau gabe nam lolia, mwasigi vi lol dum ginau lalavoa ivusi liu, bwatuna gabe nam bano aben Tata.

Lalaḡova 10:46

Bwatuna ram ron̄ora be ram avo la avoana dodolua i ram lol roroai God gin samwarana gaivua Pita mwa avlua mwa bevea be,

Lalaḡova 16:18

Kea mwa avo kungeki huri gubwen̄ ivusi, vaivotu be Pol mwa hav ron̄ te mwandavuha ginia, i mwa ban burigai mwa bevea lalai vui hantai be, “La ihan Jisas Kraes nam bevea lalainigo be gov mwalue nin vavin daulato!” Haḡe vui hantai mwa mwalue ninia darihou.

Lalaḡova 19:6

Pol mwa dau limana alura, i Vui Sabuga mwa hivo alura; i ram avo gin avoan dodolua i ram bev lua roroi non God.

Lalaḡova 2:33

God nu lol domareinia vai amare huba, be vi togo la mwatuana. God Tamanda nu lai Vui Sabuga lalainia huba, kun gabe nu tatauleo huba huria lalainia tuai. I ginau duluai gea be gim du gim ḡitae, i gim ron̄oe, kea rovoga non Vui Sabuga duluai gabe Jisas mwa laia lalai kamai.

Lalaḡova 5:16

Haḡe vatugin sinombu gaivua ram mai nin vataha bwatutun vanua dalis Jerusalem, ram lai ira hei gabe ram haro i kera gabe vui hantai alolora ram rahu duluai.

Lalaḡova 8:7

Vui hantai ram mwalue nin sinombu gin silo gaivua, i kera ivusi gabe rebehira ram mate i ram luḡu ram rahu n̄oton̄oto.

1 Korin 12:10

Vui Sabuga n̄an gea mwa laia lalai atat dolua be vi lol ginau dan̄an̄a. Vui Sabuga n̄an gea mwa laia lalai atat dolua be vi toretore huri Roroi Tavuha. I mwa lalai atat dolua be vi iloe huri vui tavuha i vui hantai. I mwa lai lalai atat dolua hogoi be vi avo la avoan dodolua. Vui Sabuga radu lalai atat dodolua Vui Sabuga be vi vev lolon avoana.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

1 Korin 12:30

sage be rai varahu ira harova, sa avo la avoan dodolua, sage ram bev binihivanan avoana be ram bevea.

1 Korin 13:1

Kadogaha nav vagahigo gin raumatan ginau. Nav avo la avoan dodolua non atatu i non ira enjel. Take be nas hav haḡo te lolotabetabe, kea nan kun sin̄sin̄i be mwa sosobwero sage ginau vuroi vwate.

1 Korin 14:2

Kera gabe ram haḡo hogoi be ram avo gin avoan dodolua, vorate ram avo mai atatu; ram avo lalai God. Atatu vwate mwa hav ron̄ te batoira; ram avo huri ginau dahuligi sivi vui.